. "Association de quatre joueurs d'instruments pour deux ans."@fr . . "1643-09-03"^^ . "\n \n \n Extrait du contenu :\n \n 'Furent presens en leurs personnes Nicolas Pied d'argent, Jean Buron, sieur du Breuil, Nicolas de La Voisiere, Pierre Cuillereau, tous maistres joueurs d'instruments à Paris, y demeurant, scavoir ledict Pied-d'argent rue Sainct-Jacques, parroisse Sainct-Benoist, ledict Buron, isle Nostre-Dame, parroisse Sainct-Louis, de La Voisiere rue de la Verrerie, parroisse Sainct-Jean-en-Greve et ledict Cuillereau sur le rampart Saint-Victor, parroisse Saint-Estienne-du-Mont lesquelz ont faict et accordé entre eux ce qui ensuit.\n Assavoir que chacun d'eulx a promis et promet de jouer ensemblement de l'instrument cy-après declaré, scavoir ledict Pied d'argent du dessus de violon, ledict Buron de la basse de violon, de La Voisiere de la taille de violon et ledict Cuillereau des haultes contres de violon, à l'effect de quoy ils se sont ensemblement associez et associent tant au gain qu'ils esperent faire qu'à la perte et autres fraiz et despens qu'il leur conviendra faire, et ce, pendant deux ans.\n Et se trouveront ensemblement tous lesdictz associez chacun jour de jeudy de chacune sepmaine depuis deux heures après midy jusques à trois heures ensuivant pour et à compter pendant les courts jours et au regard des jours d'esté ils promettent se trouver à trois heures après-midy jusques à quatre heures, et ce ès maisons desdictz associez l'un après l'autre, à commencer dans la maison dudict du Breuil jeudy prochain l'espace de quatre sepmaines qui sont quatre jeudis ensuivans et consecutifs.\n Et où il se trouveroit que aucuns desdicts associez fussent deffaillants de se trouver à chacune de leurs dictes maisons après l'heure cy-dessus passée, ils seront tenus paier à ceux qui s'y seront trouvez seize solz tournois et ce pour chacune fois qu'ils manqueront à se trouver esdictes maisons.\n Et a esté accordé que aucuns desdicts associez ne pourra anticiper sur aucune partie de ses compagnons sy ce n'est pour le profit desdicts associez et où aucuns d'eux iroient au contraire payeront trente solz.\n Et où il arriveroit qu'aucun d'eux fraudast aucuns de ses compagnons pendant le temps de la presente societé payera douze livres tournois pour la premiere fois qu'il aura faict ladicte fraude et vingt-quatre livres tournois pour la seconde fois en cas qu'il face aussy ladicte fraude, mesmes sera mis hors de leur societé.\n Et, en cas qu'aucun desdictz associez voulust se departir de la presente societé que tous ensemble n'en soient d'accord et l'un d'eux seul les empeschant, et où il arriveroit que aucun d'eux vint à sortir et se departir de ladicte societé sans leurs consentement general. en ce cas il payera ausdictz associez la somme de soixante livres.\n Arrivant qu'aucun d'eux manque à se trouver èsdictes maisons pour jouer aux serenades et aubades et autres occasions après que l'on l'en eust adverty d'heure auparavant payera trente solz pour la premiere aubade et dix solz pour la seconde; qui ne se trouvera à l'assiette de table des nopces, festins et autres assemblées, estant adverty comme dessus, payera seize solz tournois et sy les premiers branles sont dancez paiera celuy ou ceux qui ne s'y seront point trouvez vingt solz tournoiz, et sy aucuns desdicts associez refuse à jouer lorsqu'il sera par eux appellé ne partagera point à l'occasion où ils seront et paiera trois livres d'amende pourveu qu'il n'y ait quelques causes legitimes, Cas advenant que trois desdictz associez viennent à jouer ensemble où ils adviseront ils seront tenus de rapporter ce qu'ils auront gaigné ausdictz associez pour estre par eulx esgallement par tagé et aussy pendant le temps qu'ils auront esté employez à jouer trois ensemble comme dessus les autres seront tenus de rapporter ce que chacun d'eux seul pourra gaigner pour aussy le partager esgallement, lequel gain sera par eux apporté ausdict associez le jeudy suivant après qu'ils auront esté employez à jouer sinon feront apparoir le jeudy ensuivant de leurs diligences.\n Et encores en cas que sy quelq'un d'eux vient à estre malade, que Dieu ne plaise, audict cas il ne laissera pas d'avoir sa part au gain qu'ils auront faict.\n Aucun desdictz associez ne pourra aller aux champs pour jouer sans le faire scavoir à leurs autres associez (...) Car ainsy etc, promectans etc, obligeants etc, chacun en droict soy, renonceans, etc.\n Faict et passé à Paris ès estudes l'an mil six cent quarente-trois, le troisiesme jour de septembre, après midy, et ont signé adverty du scel.\n PIED'ARGENT BURON DE LA VOIZIER Pierre CUILLEREAU GUILLARD (notaire) LAIR (notaire).\n 'Lesdicts Buron et Cuillereau soy disant avoir charge, faisans et portans fort desdicts Pied d'argent et de La Voisiere par lesquels ils promettent faire rattifier ces presentes quand requis en seront, declarent (...) Car ainsy, promectant etc, obligeant chacun en droict soy, renonceant etc.\n Faict et passé ès estudes des notaires soubzsignez le dixiesme jour de decembre, après midy, l'an mil six cent quarante et trois, et ont signé :\n BURON Pierre CUILLEREAU Jean LEVASSEUR PECOURT HUART (notaire) LAIR (notaire).\n 'Aujourd'huy est comparu par devant les notaires garde-notes du roy nostre sire en son Chastelet de Paris soubzsignez ledict de La Voisiere, sus-nommé, demeurant à Paris, rue Maubué, parroisse Sainct-Nicolas-des-Champs, lequel après lecture à luy faict par l'un des notaires soubzsignez, l'autre present, de l'association desdictz Jean Levasseur et Louys Pecourt en ladicte compagnie, qu'il a dict bien entendre, volontairement a recogneu et confessé avoir icelle societté, loué, ratifié, confirmé et approuvé, eu et a pour agreable et a promis l'entretenir de poinct en poinct selon sa forme et teneur. Promectant etc, obligeant etc, renonceant etc.\n Faict et passé à Paris ès estudes des notaires soubzsignez le vingtiesme mars, après midy, l'an sil six cent quarente et quatre, et a signé, adverty du scel.\n DE LA VOIZIER DUPUYS (notaire) LAIR\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 410. Toutes les notices ont été extraites de l'instrument de recherche imprimé accessible en ligne par la rubrique 'Autres instruments de recherche'.voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . . "\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.\n \n \n "^^ . . . . . . "3 septembre 1643"@fr . . "Association de quatre joueurs d'instruments pour deux ans."@fr .