Association de deux joueurs d'instruments pour un an.
http://data.archives-nationales.culture.gouv.fr/recordResource/041422-c1p6urg992u3-x8otnnc013zu an entity of type: RecordResource
Association de deux joueurs d'instruments pour un an.
xsd:date
1645-01-26
26 janvier 1645
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens Guillaume Coste et Pierre Raillard, joueurs d'instrumens à Paris, demeurans rue des Vertus, parroisse Sainct-Nicolas-des-Champs, lesquelz ont accordé entr'eulx ce qui ensuit. C'est assavoir qu'ilz ont promis et promettent reciproquement l'ung d'euls à l'autre de s'accompagner l'ung l'autre toutesfois et quantes qu'il en sera besoing et qu'ilz s'en requerront pour jouer de leurs instrumens partout où ilz seront mandez, et ce pendant le temps d'ung an à commencer du jour d'huy et qui finira au jour de caresme prenant de l'année prochaine mil six cent quarente-six, à la charge qu'ilz partageront ensemblement et par esgalle portion ce qu'ilz pourront gagner pendant ledict temps, soit conjointement ou separement.
Et outre ce, ledict Coste a promis de bailler et payer audict Raillard la somme de trente livres, savoir cent solz dans le jour de caresme prenant prochain, pareille somme de cent solz au jour Sainct-Jean-Baptiste aussy prochain, dix livres au jour Sainct-Louis prochain et pareille somme de dix livres dans le jour de caresme prenant de ladicte année prochaine mil six cent quarante-six, et ce en consideration de lasusdicte compagnie.
Et en cas que le nommé Jean Noël, joueur de basse, vienne à les quitter ledict Raillard sera tenu de fournir d'une autre personne pour jouer de ladicte basse et si il ne pouvoit faire ladicte fourniture, ilz achepteront une basse à frais commungs, dont ledict Coste sera tenu de jouer s'il en est besoing.
Et s'il arrivoit que l'un d'eulx voulut quitter l'autre et ne le poinct accompagner comme dict est, celuy qui voudra quitter payera à l'autre sans delay la somme de vingt livres tournois, mesme si c'estoit ledict Raillard qui voulut quitter ledict Coste, icelluy Raillard sera tenu de rendre audict Coste ce qu'il aura receu desdictes trente livres outre la susdicte somme de vingt livres.
Comme aussy, en cas que par malheur ou accident l'ung d'eulx venoit a rompre sondict instruments ou qu'il fust volé soit de son manteau, habit ou autre chose, ilz porteront ensemblement la perte qui sera arrivé comme dict est et de laquelle perte ilz se rembourseront chacun par moictié. Car ainsy etc, promectant etc, obligeant chacun en droict soy, renonceant etc.
Faict et passé ès estudes des notaires, le vingt-sixiesme janvier mil six cent quarente-cinq et ledict Coste a signé et ledict Raillard a declaré ne savoir signer :
Guillaume COSTE ROBINOT (notaire) LECAT (notaire)
Informations concernant le classement et la cotation du document :
La cote donnée par l'instrument de recherche imprimé (MC/ET/XIV/61) a été mise à jour ; la cote est MC/ET/XIV/61/A.
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 418 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de deux joueurs d'instruments pour un an.