Association de trois 'marchands' pour présentation d'un magot et d'une barbette.
http://data.archives-nationales.culture.gouv.fr/recordResource/041438-c1p6uu1ymz0j-6kvinzkqsdv3 an entity of type: RecordResource
Association de trois 'marchands' pour présentation d'un magot et d'une barbette.
xsd:date
1602-03-27
27 mars 1602
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes François Moizy et Jehan Pichon, marchans demeurans à Paris, respectivement ledict Moizy rue Sainct-Denis, parroisse Sainct-Saulveur et ledict Pichon rue de Bracque, parroisse Sainct-Nicolas-des-Champs, lesquelz confessent avoir assocyé et associent avec eulx et de compaignée Baptiste Jollicoeur, marchand, demeurant à Paris rue de la Mortellerie, parroisse Sainct-Jehan-en-Greve, à ce present et ce acceptant, du troisiesme jour d'avril prochain jusques à tant et sy longuement que bon leur semblera à la perte ou gaing, sy perte ou gaing y a, de monstrer tant en ceste ville de Paris que ailleurs ou bon leur semblera une beste appellée ung magot et ung barbette, le tout jouant plusieurs saultz ausdictz Moizy et Pichon appartenant, à la charge que les deniers qui proviendront de la representation desdictes bestes, après la nourriture et autres fraiz qu'il conviendra faire pris, se partiront entre lesdictz Moizy, Pichon et Jollicoeur chacun pour ung tiers, comme aussy advenant que lesdictz Moisy, Pichon et Jollicoeur vouldroient vendre lesdictes bestes, en ce cas les deniers qui en proviendront seront partaigez et prins aussy par chacun desdictz Moizy, Pichon et Jollicoeur chacun pour ung tiers. Lesquelles deux bestes, garnyes chacune de leurs hardes, lesdictz Moizy et Pichon promectent l'un pour l'autre, chacun d'eulx seul et pour le tout sans division ne discution, renonceans aux benefices de division, ordre de droict, discution et forme de fidejussion, fournir et livrer en ceste ville de Paris, saines et entieres audict Jollicoeur dedans d'huy en huict jours prochainement venans.
Ceste presente association et promesse faicte moyennant la somme de vingt escuz soleil que pour ce ledict Jollicoeur a promis, sera tenu, promect et gaige bailler et paier ausdictz Pichon et Moizy en livrant et fournissant lesdictes deux bestes dessus declarées saines et entieres avec leurs habitz comme dict est. Car ainsy etc, promectant etc, obligeant chacun en droict soy et l'un envers l'autre, renonceant d'une part et d'autre.
Faict et passé ès études des notaires soubzsignez le vingt-septiesme jour de mars, l'an mil six cent deux après midy.
Françoys MOISY B. JOLLYCOEUR MURET (notaire) Jehan PICHON CUVILLYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 356 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de trois 'marchands' pour présentation d'un magot et d'une barbette.