Association de trois 'marchands' pour présentation de chiens.
http://data.archives-nationales.culture.gouv.fr/recordResource/041438-c1p6uu1yscor-pudkw6rcb1ig an entity of type: RecordResource
Association de trois 'marchands' pour présentation de chiens.
xsd:date
1602-04-13
13 avril 1602
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes Nicolas Rousselet, marchant demeurant à Paris, rue de la Mortellerie, parroisse Sainct-Jehan-en-Greve, d'une part, Jehan Pichon aussi marchant, demeurant à Paris rue de Bracque, parroisse Sainct-Nicolas-des-Champs, d'autre part, et François Moisy, aussy marchant, demeurant rue Sainct-Denis, parroisse Sainct-Saulveur, lesquelz ont recongneu et confessé et par ces presentes confessent eulx estre associez et associent par ces presentes à tout le prouffict qui se pourra faire de deux bertrandz et d'une chienne qui sont de present en la possession desdictz Rousselet et Pichon les deux tiers de ladicte chienne et d'un bertrand et l'autre tiers desdictes deux bestes audict Moisy et pour le regard de l'autre bertrand audict Rousselet et Pichon chacun par moictié, et lequel traffic et prouffict iceulx Rousselet et Pichon feront eulx deux seulz en telz lieu qu'ilz adviseront sans qu'ilz puissent eulx departir d'ensemble sinon par mort, et ce pour le temps et espace de six mois à commencer du jour d'huy, duquel prouffict iceulx Rousselet et Pichon seront tenuz et promectent en tenir compte et paier audict Moisy au prorata de ce qu'il luy peult apartenir ausdictes bestes, après la despense sur premiere prise et desduicte, et pour le surplus se partira entre iceulx Rousselet et Moisy chacun par moictié esgallement, aussy la despense premiere prise et desduicte, et au cas qu'il advienne perte desdictes bestes ou d'aucunes d'icelles se (sic) sera au peril desdictes partyes selon qu'ilz y peuvent avoir.
Et oultre par ces mesmes presentes ledict Moisy donne pouvoir ausdictz Rousselet et Pichon de pouvoir vendre eulx deux et l'ung avec l'autre et non autrement icelles deux bestes à telles personnes et pour tel pris qu'ilz adviseront à la charge de par iceulx Rousselet et Pichon en tenir compte de l'argent qu'ilz auront esté venduz audict Moisy et du prouffict desdictes bestes quand par luy requis en seroit.
Et aussy a esté par exprès accordé entre iceulx Rousselet (sic) qu'ilz ne pourront vendre les partz qu'ilz ont èsdictes bestes ne aulcunes d'icelles sinon d'ung commung accord d'eulx deux. Car ainsy etc, promettant etc, obligeant chacun en droict soy etc, renonceant mesmes iceulx Rousselet et Pichon aux benefices de division et ordre de droict et de discution et fidejussion.
Faict et passé ès estudes des notaires, l'an mil six cent deux le treiziesme jour d'apvril, avant midy, et ont signé :
Jehan PICHON Nicolas ROUSSELET CADIER (notaire) François MOISY CUVILLYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 358 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de trois 'marchands' pour présentation de chiens.