Association de douze joueurs d'instruments pour quinze années.
http://data.archives-nationales.culture.gouv.fr/recordResource/041438-c1p6uu1z5jzv--1e1wr5sw5jq2b an entity of type: RecordResource
Association de douze joueurs d'instruments pour quinze années.
xsd:date
1602-05-17
17 mai 1602
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes Jehan Le Brait, demeurant rue Jehan-Pynmollet, parroisse Sainct-Mederic, François Richome, demeurant rue et parroisse Sainct-Germain-de-l'Auxerrois, Nicolas Dugat, demeurant rue Comtesse-d'Arthois, parroisse Sainct-Eustache, Guillaume Chappel, demeurant rue des Arcis, parroisse Sainct-Mederic, Claude Crestot, dict La Haye, demeurant rue Symon-le-Franc, parroisse Saint-Mederic, Vincent Cocquet, demeurant rue Gallande, parroisse Sainct-Germain-le-Viel, Anthoine Picot, demeurant rue de Bethizy, parroisse dudict Sainct-Germain-de-l'Auxerrois, Christophe Clermont, demeurant rue de la Huchette, parroisse Sainct-Severin, Quentin Leger, demeurant rue Trouchevache, parroisse Sainct-Jacques-de-la-Boucherie, Gervais Copeau l'aisné, demeurant rue de la Tacherie, parroisse dudict Sainct-Mederic, tant en son nom que comme soy faisant et portant fort en ceste partie de GervaisCopeau son filz, par lequel il promect faire ratiffier et avoir pour bien agreable le contenu en ces presentes toutesfois et quantes que requis en sera par les parties contractantes avec luy, Nicolas Crossu, demeurant à Petit-Pont, parroisse Saincte-Geneviefve-des-Ardens, tous maistres joueurs d'instrumens à Paris.
A la charge que sy pendant ledict temps deux des dessusnommez jouent en quelque lieu et compaignie que ce soict ne seront tenuz rapporter ce qu'ilz en auront eu en ladicte compaignie jusques à plus grand nombre de deux joueurs en mesme jour ensemble, en ce cas tous ceux qui auront joué la mesme journée rapporteront en ladicte compaignie ce qu'ilz auront eu pour estre partaigé entre eulx ensemble; et sy les deux jouent ensemble soict ès nopces, lendemain, fiancailles ou banquet de filles, en ce cas, ilz prendront à leur prouffict et hors leur part chacun ung escu sur ce qu'ilz auront receu pourveu que ledict jour il n'y ait plus grand nombre qui sonnent ensemble.
Et où l'un desdictz dessusnommez ne se trouveroit aux nopces, banquetz ou autres choses où il sera mandé par l'un des porteurs ou l'un des dessus nommez pour jouer ou sonner avec sesdictz compaignons, en ce cas le refuzant sera tenu paier aux autres de ladicte compaignie ung escu de peyne, et sy ne pourra partaiger à ce qui aura esté gaigné par sesdictz compaignons ladicte journée qu'il aura refuzer de jouer.
Et pour le regard de ceulx qui auront servi aux balletz et mascarades, ayant eu des habitz de masques, en ce cas ilz seront tenuz rapporter à ladicte compaignie les habitz à la charge qu'ilz auront et prendront chacun d'eulx trente livres pour chacun habit qui sera raporté en ladicte compaignie.
Et oultre a esté accordé que aulcun desdictz dessus nommez ne pourra prendre aulcun aultre avec luy pour sonner que ceulx de ladicte compaignie, synon du consentement de tous les dessus nommez, à peyne de vingt-cinq escuz que celluy qui aura sonné avec celluy qui ne sera pas de ladicte compaignie sera tenu de payer à chacun desdictz dessus nommez sans aulcune forme ne figure de procès sur ce garder; et ne pourra entrer aulcun aultre en ladicte compaignie synon du consentement exprès de tous lesdictz dessus nommez sur la mesme peyne que dessus qui sera paiée par ceulx qui auront pris avec eulx ceulx qui ne sont de ladicte compaignie.
Et où l'un des dessusnommez alloict hors de cestedicte ville de Paris pour ses affaires particullieres, en ce cas, sera loysible aux autres ses compaignons de prendre pour ayder telle personne que bon leur semblera qui sonnera pendant ladicte absence seullement sans que pendant icelle il puisse pretendre aulcune chose au gaing qui aura esté faict par ses compaignons pendant son absence. Et neaulmoings, sy ceulx qui seront absens de ceste dicte ville de Paris ne reviendront en ceste dicte ville après quatre mois consecutifz passez, sera loysible aux aultres de prendre et associer avec eulx en ladicte compaignie tel que bon leur semblera sans pouvoir pretendre par celluy qui sera absent aulcune peyne, despens, dommaiges et interestz.
Et sy pendant ledict temps aulcun des dictz dessusnommez demeureroict mallade en ceste dicte ville, sans fraulde et n'exerceant à son gré, en ce cas il ne laissera d'avoir sa part au gaing qui sera faict pendant sadicte malladie.
Et sy aulcun desdictz dessus nommez n'assisteroict la nuict aux aubades, estant adverty par le porteur de ladicte compaignie, il sera tenu paier vingt solz tournoiz pour chacune aubade aux aultres qui auront assisté et joué ausdictes aubades de nuict.
Daventaige a esté accordé entre lesdictz dessus nommez qu'ilz ne se pourront dessister et departir de la presente association auparavant icelle expirée synon du consentement exprès de tous lesdicte dessus nommez, à peyne de vingt-cinq escuz soleil de peyne commise et stipullée que celluy ou ceulx qui se vouldront desister de ladicte association sera tenu de paier à chacun des aultres qui ne vouldra accorder le desistement, à quoy il sera contrainct par toutes voies de justice deues et raisonnables; et sy a esté accordé que au cas que certain contract d'association cy-devant faict entre lesdictz dessus nommez et aultres maistres joueurs d'instrumens n'estoict resolu et declaré nul par cy-après, en ce cas la presente association sera et demeurera nulle sans pour ce pretendre ne demander l'un allencontre de l'aultre aulcune peyne, despens, dommaiges et interestz.
Car ainsy etc, promectant etc, obligeant chacun en droict soy etc, renonceant d'une part et d'aultre.
Faict et passé le dix-septiesme may mil six cent deux après midy.
LE BRET COQUET CRESTOT DU GAP LEROUX (notaire) A. PICOT COUPEAU François RICHOMME CROSSU G. CHAPPEL LIGER CLERMONT CUVILLYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 359 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de douze joueurs d'instruments pour quinze années.