Association de deux sauteurs pour une année.
http://data.archives-nationales.culture.gouv.fr/recordResource/041438-c1p6uu2b62zf--1e7wmhdb3rfy5 an entity of type: RecordResource
Association de deux sauteurs pour une année.
xsd:date
1610-03-06
6 mars 1610
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes Guillaume Fruste, dict La Marche, saulteur, demeurant à present à Paris, parroisse Sainct-Saulveur, d'une part, et Jacques Babel, danseur sur la corde, demeurant à present ès faulx-bourgs Sainct-Germain-des-Prez, parroisse Sainct-Supplice, d'autre part; lesquelz vollontairement confessent eulx estre associez et associent ensemblement et de compaignée du jour et feste de Pasques prochain jusques à pareil jour que l'on comptera mil six cent unze, au tour, jeux de saulx et autres qu'ilz ont accoustumé de jouer et representer en publicq, soict en cestedicte ville de Paris ou allieurs ainsy qu'ilz adviseront bon estre et pour ce faire chacun d'eulx sera tenu y apporter tout leur soing et dilligence requise et serviront de leurs habitz qu'ilz ont. Et ce moyennant et à la charge que les deniers qui proviendront desdictz saulx et jeux, les fraiz tant de la maison où ilz jouront, joueurs d'instrumens et autres qu'il conviendra faire en premier prins, desduictz et rabatuz, seront prins assavoir par ledict La Marche, tant pour luy que pour sa femme et sa compaignée les trois quartz et l'autre quart par ledict Babel tant pour luy que sa femme, lesquelz deniers seront ainsy partaigez entre eulx tous les jours qu'ilz jouront.
Et en ce faisant lesdictz de La Marche et Babel ont promis fournir chacun ung cheval suffisant pour tirer et mener une charrette qui sera acheptée par eulx, dont ledict de La Marche paiera les trois quartz et l'autre quart ledict Babel, laquelle charrette servira à mener toutes les hardes desdictes partyes, de la nourriture desquelz deux chevaux, chartier qui menera ladicte charrette et autres fraiz qu'il conviendra faire seront paiez pour lesdictz trois quartz par ledict La Marche et autre quart par ledict Bable. Et advenant que l'ung desdictz chevaulx vint à mourir ou de peril, en ce cas sera acepté par eulx, chacun par moictié ung autre cheval; en fin de laquelle presente association lesdictz deux chevaux seront prins l'ung par ledict La Marche et l'autre par ledict Babel.
Et sy aulcun desdictz de La Marche, Babel et leurs femmes et train demeurent mallades, neaulmoings ilz auront et prendront leurdicte part tout ainsy que s'ilz estoient en santé, de laquelle presente association ilz ne se pourront desister et departir synon de leur consentement commung et à peine de cent cinquante livres tournoiz de peine commise et stipulée que celluy qui s'en vouldra desister et departir sera tenu paier à l'autre sans aulcune forme ne figure de procès sur ce garder. Car ainsy etc, promectant etc, obligeant chacun en droict soy et l'ung envers l'autre corps et biens, renonceant, etc.
Faict et passé, ès études, le sixiesme jour de mars mil six cent et dix, avant midy, et ledict La Marche declaré ne scavoir escripre ne signer synon qu'il a faict sa marque :
Marque de La Marche DOUJAT (notaire) Jacques BABEL CUVILLYER (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 371 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de deux sauteurs pour une année.