Marché de réparation par Guy et Denis Joly de l'orgue du prieuré Saint-Martin-des-Champs.
http://data.archives-nationales.culture.gouv.fr/recordResource/041461-c1p6v1uc17wr-12mbsj9t3ixxg an entity of type: RecordResource
Marché de réparation par Guy et Denis Joly de l'orgue du prieuré Saint-Martin-des-Champs.
xsd:date
1634-07-14
14 juillet 1634
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Devis des reparations qu'il fault faire aux orgues de Sainct-Martin-des-Champs à Paris.
'Premierement, fault faire deux souffletz neuf esgaux aux troys vieux qui y sont.
Item, rellever les monstres et desoulder en deux la pluspart des gros thuiaulx pour les resoulder et y remectre d'autres bizeaux pour les faire parler comme il fault, les nettoyer et rembrunyr.
Plus, faire parler les thuiaux du gros bourdon de bois et aultres de huict et quatre piedz et aultres jeux qui se trouveront ne pas parler.
Plus, il fault relever tous les thuaux des deux orgues pour les netoyer et faire parler comme il fault et netoier les sommiers et remedier aux emprunctz escornemens et racorder l'orgue bien et deuement comme il appartient, comme aussy remecttre l'abreger pour abesser les touches du grand clavier et adoussir les deux claviers, rechercher et estancher la souflerye, mesmes faire parler le rosignol.
'Par devant les notaires garde-notes du roy nostre Sire au Chastelet de Paris soubzsignez, fut present en sa personne Guy Jolly, facteur d'orgues à Paris, demeurant en l'isle du Pallais à Paris, en la maison où pend pour enseigne la Plaine Lune, parroisse Sainct-Barthellemy, lequel tant en son nom que comme soy faisant et portant fort de Denis Jolly, son frere, aussy facteur d'orgues à Paris, par lequel il promect faire ratifier et avoir pour agreable le present marché et ce faisant le faire obliger avec luy sollidairement à l'entretenement et accomplissement du contenu d'icelluy et de ladicte ratiffication, en fournir lectres aux sieurs relligieux cy après nommez dans huict jours prochains, [a] volontairement recogneu et confessé avoir promis et promect ès dictz noms et en chacun d'iceux luy seul et pour le tout, sans division ne discution, renonceant aux benefices de ladicte division, ordre de droict, de discution et fidejussion, à Domps Guillaume Guichard, pretre et religieux profex du prieuré conventuel dudict Sainct-Martin, et Jean Guyot aussy prestre et relligieux proffex, procureur et ayant charge des affaires dudict prieuré de Sainct-Martin, à ce presens et acceptans pour tous les religieux dudict couvent, de faire et parfaire bien et duement comme il appartient au dire d'ouvriers et gens à ce cognoissans, toutes les reparations mentionnez au devis devant escriptz et fournir tous materiaux et autres choses necessaires pour cest effect. Pour faire lesquelles, ilz seront tenus de prendre l'ordre et advis de Maistre Pierre Morbois, prebtre et organiste dudict prieuré.
A commencer à travailler le plustost que faire ce pourra et ce en une chambre qui luy sera livrée dans ledict prieuré et rendre lesdictes orgues bien et deuement faictes et parfaictes et restablies en leur lieu dans troys mois d'huy prochains venans.
Ce marché faict tant moyennant que les deux vieux souffletz estans de present ausdictes orgues seront et demeureront au proffict particulier dudict entrepreneur, lesquelz toutesfois ne pourra faire enlever de leur lieu qu'en faisant poser en leur place les deux neufz cy dessus, qu'au moyen de ce que lesdictz sieurs Guichard et Guyot, pour tout ledict prieuré, ont promis et promectent audict entrepreneur de luy bailler et payer sytost et incontinant que lesdictz ouvrages seront faictz et par faictz, reposez et bien d'accord au dire dudict Morbois la somme de quatre cens livres tournoiz.
Et pour l'execution des presentes ledict entrepreneur a esleu et eslit son domicille irrevocable tant pour luy que pour sondict frere en la maison où il est demeurant devant declarée auquel lieu etc, nonobstant etc, promectant etc, obligeant chacun en droict soy, ledict entrepreneur sollidairement corps et biens, renonceant etc.
Faict et passé à Paris, ès estudes des notaires soubzsignez, le quatoriesme jour de juillet mil six cent trente-quatre avant midy et ont signé :
DOM GUILLAUME GUICHARD J. GUYOT G. JOLY BUON (notaire) REMOND (notaire).
'Et le vingt-ungniesme jour d'aoust oudict an mil six cent trente-quatre avant [midy] est comparu par devant les notaires soubzsignez ledict Denis Joly, lequel après lecture à luy faicte du devis et marché cy-devant escriptz par l'ung des notaires soubzsignez, l'aultre present, qu'il a dict bien entendre, de son bon gré et volonté a icelluy marché ratifié et approuvé et eu pour agreable, veult consent et accorde qu'il vaille, treuve et sorte son plain et entier effect et force et vertu; et à l'entretenement d'icelluy il s'est obligé et oblige avec ledict Guy Jolly, son frere luy seul et pour le tout sans division ne discution, renonceant aux benefices de division, ordre de droict, de discution et fidejussion.
A ce faire fut present ledict Guy Jolly et ledict Denis sont frere, lesquelz oultre tout le contenu audict marché ont promis et promectent sollidairement de faire generallement tout ce qui se trouvera à faire dans ladicte orgue pour la rendre parfaicte sans que lesdictz Sieurs relligieux soient tenus de leur payer plus que le prix porté par ledict marché. Promectant etc, obligeant sollidairement corps et biens, renonceant etc.
Faict et passé à Paris ès estudes des (notaires) soubzsignez, les an et jour dernier declarez, et ont signé :
Guy JOLY Denis JOLY BUON REMOND
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 805 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché de réparation par Guy et Denis Joly de l'orgue du prieuré Saint-Martin-des-Champs.