"Association de sept joueurs d'instruments pour trois ans."@fr . "Association de sept joueurs d'instruments pour trois ans."@fr . "\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.\n \n \n "^^ . "\n \n \n Extrait du contenu :\n \n 'Furent presens en leurs personnes Jean Buron, sieur de Breuil, Jean Verdier, Mathurin Jean Motheau, dict La Motte, Louis Pecourt, Louis Godon, Nicolas de La Voisiere et Claude Seguenot, tous maistres joueurs d'instrumens à Paris, y demeurans scavoir ledict Buron dans l'isle Nostre-Dame, parroisse Sainct-Louis, ledict Verdier rue Montorgueil, parroisse Sainct-Eustache, ledict Motheau rue du Cimetiere, parroisse Sainct-Nicolas-des-Champs, ledict Pecourt rue Sainct-Antoine, parroisse Sainct-Paul, ledict Godon rue de la Vennerie, parroisse Sainct-Jean-en-Greve, ledict de La Voisiere rue Maubué, parroisse Sainct-Nicolas-des-Champs, et ledict Seguenot rue et parroisse Sainct-Saulveur. Lesquelz ont faict et accordé entr'eux ce que ensuit; c'est asscavoir que chacun d'eux a promis et promet de jouer ensemble de l'instrument cy-après declaré scavoir ledict Buron de la basse de viollon, ledict Verdier aussy de la basse de viollon, ledict Motheau du dessus de viollon, ledict Pecourt aussy du dessus, ledict Godon des hautes contes de violon, ledict Voisiere de la taille de violon et ledict Seguenot aussy taille de viollon.\n A l'effect de quoy ilz seront ensemblement associez et associent ensemblement tant au gain qu'ils esperent faire qu'à la perte et autres frais et despens qu'il leur conviendra faire et ce pendant de ce jourd'huy jusques à trois ans et se trouveront ensemble tous lesdictz associez chacun jour de sabmedy de chacune sepmaine depuis deux heures après midy jusques trois heures ensuivant pour et à compter les courts jours et au regard des jours d'esté ils promectent se trouver à trois heures après midy jusques à quatre heures et ce ès maisons des dictz associez à commencer dans la maison dudict Pecourt sabmedy prochain l'espace de six sepmaines qui sont six sabmedis consecutifs et ainsy continuer l'ung après l'autre de six sepmaines ès maisons desdictz associez. Et où il se trouveroit que aucuns des dictz associez fussent deffaillans de se trouver à chacune desdictes maisons après l'heure cy-dessus passé, ils seront tenus de payer à ceux qui se seront trouvez seize sols tournoiz et ce pour chacune fois qu'ils manqueront de se trouver èsdictes maisons.\n Et a esté accordé que aucuns desdictz associez ne pourra anticipper sur aucune partie de ses compagnons sy ce n'est pour le proffict desdictz associez et où aucuns d'eux iroient au contraire payeront trente solz.\n Et où il arriveroit qu'aucuns d'eux fraudast aucuns de ses compagnons pendant le temps de la presente societté payera douze livres tournoiz pour la premiere fois qu'il aura faict ladicte fraude et vingt-quatre livres tournois pour la seconde fois, en cas qu'il face aussy ladicte fraude de mesmes sera mis hors de leur societté, et en cas qu'aucuns autres associez voulust se departir de la presente societté, en cedict cas il ne pourra se departir de la presente societé que tous ensemblement en soient d'accord et l'un d'eux seul les empeschant.\n Et où il arriveroit que aucun d'eulx vint à sortir et se departir de ladicte societté sans leurs consentement general, en ce cas il payera ausdictz associez la somme de soixante livres, arrivant qu'aulcun d'eux manque à se trouver èsdictes maisons pour jouer aux serenades et aubades et autres occasions après que l'on l'en ait adverty d'heure auparavant payera trente solz pour le premier aubade et dix solz pour la seconde; qui ne se trouvera à l'assiette de table des nopces festins et autres assemblez, estant adverty comme dessus, payera seize solz tournois et sy les premiers bransles sont dancez payera celuy ou ceux quy ne s'y seront point trouvez vingt solz tournois, et sy aucuns desdicts associez refuse à jouer lorsqu'il sera par eux appellé ne partagera point à l'occasion où ils seront et payera trois livres d'amande pourveu qu'il n'y ait quelzques cause legitime.\n Cas advenant que trois autres associez viennent à jouer ensemble où ils adviseront, ils seront tenus de rapporter ce qu'ils auront gaigné ausdictz associez pour estre par eux esgallement partaigé et aussy pendant le temps qu'ils auront esté trois ensemble à jouer comme dessus les autres seront tenus de rapporter ce que chacun d'eux seul pourra gaigner pour aussy à partaiger esgallement. Lequel gain sera par eux rapporté ausdictz associez le sabmedy suivant après qu'ils auront esté employez à jouer sinon feront apparoir le sabmedy suivant de leurs diligences.\n Et encores, en cas que sy quelqu'un d'eux vint à estre malade, que Dieu ne veulle, audict cas, il ne laissera pas d'avoir sa part au gain qu'ils auront faict ; aulcun desdictz associez ne pourra aller aux champs pour jouer sans le faire scavoir à leurs autres associez s'ils y veulent venir ou non, etne voulant y venir il sera tenu d'en prendre d'autres où bon luy semblera; et où il n'advertiroit pas un d'eux allant aux champs, il sera tenu de payer, ainsy qu'il promet et s'oblige dix livres.\n Et est accordé que sy chacune des parties ne sache pas la partie de laquelle il doit jouer dans trois mois prochains, en ce cas il sera permis ausdictes parties de le mettre hors leur societté, ung d'eulx seul l'empeschant, et que, pendant ladicte societté il arrive que aucuns autres associez ayequerelle ensemble et que pour cet effect il y aye exeds et voye de faict, celuy qui la ferra payera dix livres d'amande à ses associez; si pris de vin en telle sorte qu'il ne peult jouer aux occasions, il payera vingt solz d'amande et ce à la plusralité des voyes qui le verront en cet estat.\n Sy pendant ladicte societté (...) .\n Faict et passé à Paris, ès estudes des notaires soubzsignez, l'an mil six cent quarante-quatre le vingt-huictiesme jour d'aoust avant midy et ont signé, le scel declaré :\n BURON VERDIER MOTEAU PECOURT L. GODON DE LA VOIZIER BUON (notaire) Claude SEGUENOT.\n (...)\n \n Informations concernant le classement et la cotation du document :\n \n Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 415 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . . . . . . . "1644-08-28"^^ . . . "28 août 1644"@fr . .