Procuration de Philippe Musset pour la mainlevée de la saisie sur la maison de l'Ange, et bail à rente de cette maison à Jean-Antoine de Baïf.
http://data.archives-nationales.culture.gouv.fr/recordResource/041483-c1p6v55lgt9f-1u8oewlu9sq31 an entity of type: RecordResource
Procuration de Philippe Musset pour la mainlevée de la saisie sur la maison de l'Ange, et bail à rente de cette maison à Jean-Antoine de Baïf.
xsd:date
1574-05-18
18 mai 1574
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Maistre Philippes Musset, bourgeoys de Paris, faict et constitue son procureur (en blanc) pour plaider etc et par especial pour et au nom dud. constituant soy desister de l'opposition par luy formée aux criées d'une maison size à Paris sur les fossez d'entre les portes Sainct-Victor et Sainct-Marcel où soulloit estre pour enseigne l'Ange, saisye à la requeste de noble homme Maistre Jacques de Beauvais, greffier des presentations de la cour, sur Maistre Anthoine de Bayf et accorder qu'il soyt passé oultre à l'adjudication de lad. maison et ses appartenances, sans despens, dommaiges et interestz d'une part et d'aultre et generallement etc, promectant, etc, obligeant etc.
Faict et passé l'an mil Vc soixante et quatorze, le mardi dix-huictiesme jour de may.
[Non signé].
[feuille jointe :].
Maistre Philippes Musset, bourgeois de Paris, et Marguerite Cocqueret, sa femme, de luy auctorizée pour faire et passer ce qui s'ensuict, confessent avoir baillé et delaissé à tiltre de rente annuelle et perpetuelle du tout à tousjours et promectent garentir de tous troubles et empeschemens, ung chascun d'eulx seul et pour le tout, sans division, renonçant au benefice de division, mesme lad; femme à l'Autenticque Si qua mulier etc qui luy a esté donné à entendre estre tel que une femme ne se peult obliger etc, à noble homme Maistre Anthoine de Bayf, secretaire de la chambre du roy et prieur de Marignac, à ce present et acceptant pour luy etc, la quarte partye en la totallité appartenant aud. Philippes Musset de son chef, comme heritier de feue Denise Le Rousse, sa mere, et encores ung aultre quart en lad. totallité aussi aud. Musset appartenant à cause de la succession de feu Baptiste Musset, frere dud. Philippes Musset, et tout tel aultre droict qu'il peult ou pourroit pretendre luy appartenir par le trespas de feu Jacques Moisson, son frere uterin, comme heritier d'icelle Denise Le Rousse, leur mère, en quelque maniere que ce soit, tant en une maison en ruyne, laquelle a esté durant les derniers troubles abatue et desmolye en partie par les soldats, court, grand jardin derriere et appartenances, assize ès faulxbourgs Sainct-Victor-lez-Paris, sur les fossez d'entre les portes Saint-Victor et Sainct-Marcel, où soulloit estre pour enseigne l'Ange, tenant d'une part à l'hostel ou maison du Chappeau rouge, d'aultre à une maison appartenant à l'eglize Sainct-Nicolas-du-Chardonneret et sur la rue Neuf-Sainct-Victor, abboutissant par derriere à Nicolas Bouchinet et aux jardins du feu curé de Verberye et d'aultre bout par devant sur lesd. fossez, en la censive des religieux, abbé et couvent de Sainct-Victor et chargé envers eulx la totallité de (blanc) cens et rente n'en proceddans du faict de luy (et) de sesd. freres, que en une maison, court et jardin, assiz au village de Meudon et jardin ou cloz de devant lad. maison, la rue entre deulx assiz au terrouer de Meudon, selon les tenans et abboutissans, en la censive de (en blanc) et chargé envers eulx (en blanc) et oultre chargée lad. maison de Meudon envers les religieux, prieur et couvent des Chartreux de huict livres quinze solz tournois de rente si tant y a et de la condition dont elle est.
Ce bail faict ausd. charges et aultres non proceddans du faict dud. Philippes Musset et sesd. freres et arreraiges d'iceulx de tout le temps passé jusques à huy et oultre tant moiennant la somme de vingt-cinq livres tournoiz de rente annuelle et perpetuelle que led. de Bayf en a promis, sera tenu et promect paier et continuer doresnavant par chascun an aux quatre termes à Paris accoustumez tant et sy longuement ausd. Musset et sa femme, leurs successeurs et aians cause que parmy la somme de vingt escuz d'or dont led. de Bayf leur a presentement et en la presence des notaires soubzsignez baillé et payé comptant la moictié et l'aultre a promis, sera tenu et promect et gaige bailler et payer ausd. Maistre Philippes Musset, sad. femme ou au porteur, incontinant le decret advenu d'icelle maison de Sainct-Victor, ses apartenances, que led. sieur de Bayf a promis faire faire à ses propres coustz et despens le plustots que faire le pourra, à condition toutesfoys que led. de Bayf pourra ravoir et rachepter lad. rente à tousjours en paiant par luy à une foys la somme de trois cens trente livres tournoiz qui sortiront aud. Philippes Musset et les siens nature de propre. Promectant etc, obligeant mesmes lesd. Musset et sad. femme ung chascun d'eulx seul et pour le tout.
[Acte non signé ni daté].
[Au verso du feuillet :].
Lesquelles parties de maison estans en ceste ville de Paris led. preneur promect entretenir, maintenir et soutenir en bon et suffisant estat et valleur tellement et si bien que led. vingt-cinq livres tournoiz de rente y soient et puissent estre prins et perçuz bien et aysement par chascun an à tousjours ausd. quatre termes sans dommaige de part ny d'autre, nonobstant toute chose quelzconque à ce contraire.
Et où lesd. lieux estoyent adjugez à plus hault prix et neantmoing ce sera au proffict et decharge dud. de Bayf qui ne sera tenu payer aultre chose que lesd. XXV livres tournoiz de rente et XX escuz soleil et aussi s'ils estoyent adjugez à moindre prix led. de Bayf sera tenu de payer et livrer les XXV livres tournoiz de rente et de payer les XX ecus soleil.
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 149, notice n° 51 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Procuration de Philippe Musset pour la mainlevée de la saisie sur la maison de l'Ange, et bail à rente de cette maison à Jean-Antoine de Baïf.
blank nodes
Musset, Philippe
Baïf, Jean-Antoine de