Engagement d'un trompette avec des marchands pour la foire Saint-Germain.
http://data.archives-nationales.culture.gouv.fr/recordResource/041485-c1p6v5mc3rs3-2mg3kwbjjnny an entity of type: RecordResource
Engagement d'un trompette avec des marchands pour la foire Saint-Germain.
xsd:date
1609-01-08
8 janvier 1609
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Furent presens en leurs personnes Mathurin Cressier, trompette de la compagnie de Monseigneur le dauphin, demeurant de present en ceste ville de Paris, logé rue de la Huchette, en la maison où pend pour enseigne l'Image Sainct-François, Martin Vigny, tissutier-rubannier à Paris, demeurant rue Gallende, parroisse Sainct-Estienne-du-Mont, et François Cressier, estroppiar, demeurant aux faulxbourgs Sainct-Marcel, rue de Coippeaux, parroisse Sainct-Medart, lesquelz respectivement et solidairement se sont associez et associent ensemblement soit à perte ou à gain, pendant et durant et au lieu de la foire Sainct-Germain-des-Prés prochainement venant, à representer des artiffices et substillité de corps et autres choses convenables aux jeux, chacun en sa qualité et ce trouver chacun d'eulx à la salle et lieu qu'ilz auront arresté - à l'heure d'unze heures du matin -.
Et pour ce faire chacun d'eulx contriburont aux fraiz qu'il conviendra faire pour raison desdictz jeux comme aussy ilz partiront chacun esgallement aultant l'ung que l'autre au gain et proffict qui proviendra desdictz jeux, les fraiz prealablement tirés et levés; et que pas un d'eux se puisse quicter ny laisser la presente association pendant que tiendra ladicte foire prochaine, le tout à peine que le contredisant payera aux accomplissans la somme de dix-huict livres tournoiz incontinant le cas advenu à la volonté et premiere requette desdictz accomplissans. Car ainsy, etc, promectant etc, obligeant chacun en droict soy et l'ung envers l'autre, renonceant d'une part et d'autre.
Faict et passé à Paris, ès estudes des notaires soubzsignez l'an mil six cens neuf, le huictiesme jour de janvier, avant midy ; lesdictz Mathurin Cressier et François Cressier ont declaré ne scavoir escripre ne signer.
Marque dudit Martin VINE Mathurin Cressier De SAINCT-JULLIEN (notaire) NOURRY (notaire).
'Et le quinziesme jour des presens mois et an cy-devant dictz, sont comparuz par devant les notaires et gardenottes du roy nostre sire en son Chastellet de Paris soubzsignez les dessus nommés lesquelz ont volontairement et respectivement associé et associent avec eulx Guillaume Aufoire, joueur d'instrumens à Paris, demeurant aux faulbourgs Sainct-Marcel, Grand'Rue dudict lieu, parroisse Sainct-Martin, à ce present et ce acceptant, aux jeux qu'ilz entendent jouer à la foire Sainct-Germain-des-Prez prochain venant, et à la charge que ledict Le Foire sera tenu de fournir d'un homme qui jouera de la basse-conte et le payera à ses despens, à la charge que ledict Aufoire partagera au gain qui proviendra desdictz jeux pour la quatriesme partye dudict gain, ensemble fournira aussy pareille quatriesme partye des frais et despens qu'il conviendra faire auxdictz jeux et sur la peine portée en ladicte association cy-devant escripte.
Faict les an et jour cy-devant dictz, lesdictz Mathurin Cressier et François Cressier denommés en ladicte association declarent ne scavoir escripre ne signer.
Marque de Martin VINE Mathurin Cressier Guillaumoffoire CRESSÉ (notaire) NOURRY (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 430 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Engagement d'un trompette avec des marchands pour la foire Saint-Germain.