Association de trois joueurs d'instruments.
http://data.archives-nationales.culture.gouv.fr/recordResource/041485-c1p6v5mctonf-1toc75ta4iogy an entity of type: RecordResource
Association de trois joueurs d'instruments.
xsd:date
1609-05-27
27 mai 1609
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'François Duval, joueur d'instrumens, demeurant à Baigneux, et Pierre Duval, son filz, aussy joueur d'instruments, d'une part, et Jehan Granvallet, maîstre joueur d'instrumens à Paris, y demeurant près la porte Sainct-Jacques au Chef Sainct-Jehan, parroisse Sainct-Benoist, d'autre part. Lesquelz se sont volontairement et ensemblement associez et associent pour jouer des instrumens tant de haulbois que viollons en toutes nopces, fiancailles, accordailles ou autres festins et assemblées et festes de villes et villaiges dont ilz seront appelez et convocquez des champs seullement.
Et, où l'ung d'eulx seroit empesché d'allieurs ou qu'il devinst malade pourront prendre ung autre joueur d'instrumens en son lieu.
Et pour ce faire participeront chacun esgallement au gain qui en proviendra comme aussy ilz contribueront chacun d'eulx esgallement aux fraiz et à apporter et fourny (sic) de leurs intrumens, et ce tant qu'il plaira à Dieu qu'ilz vivent, commenceant ladicte association ce jourd'huy, et le tout pourveu et à condition qu'ilz soient chacun d'eulx acceptez par les personnes qui les feront jouer et où lesdictes personnes en voudroient mectre ung autre joueur d'instrumens avec l'ung d'eulx les autres de l'ung d'eulx dellaissez seront tenuz le souffrir et pour ce faire seront tenuz s'envoyer advertir l'ung d'iceulx l'autre quant ilz seront retenuz pour jouer en nopces ou autrement.
Et promectent tenir, garder et observer les marchez que l'ung d'eulx aura faict pour le prix qu'il aura convenu pour quelques nopces ou autres choses que ce soict et sans fraude, ni faire aulcune retention sur la peine de trois cens livres tournoiz pour chacune fois que le fraudulant payera auxdictz autres.
Car ainsy etc promectant, etc, obligeant chacun en droict soy et l'ung envers l'aultre, renonceant d'une part et d'autre.
Faict et passé à Paris ès estudes des notaires soubzsignez l'an mil six cens neuf le vingt-septiesme jour de may, avant midy, et ont signé :
François DUVAL Jehan GRANVARLET BARBEREAU (notaire) Pierre DUVAL NOURRY (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 369 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Association de trois joueurs d'instruments.