Marché de réparations de l'orgue du collège de Navarre par Nicolas et Pierre Pescheur.
http://data.archives-nationales.culture.gouv.fr/recordResource/041485-c1p6v5mpdtnn-1focp14dch6x7 an entity of type: RecordResource
Marché de réparations de l'orgue du collège de Navarre par Nicolas et Pierre Pescheur.
xsd:date
1616-03-11
11 mars 1616
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Estat de ce qui est necessaire pour reparer et rendre les orgues de Navarre en bon estat.
1. Premierement, il convient nettoyer la monstre, refaire des thuyaux où il y a de de defaut de pareille estoffe.
2. Item, convient refaire un bourdon de trois pieds sonnant six pieds.
3. Item, faut refaire le jeu de trois pieds qui est d'estain et le faire parler.
4. Item, pareillement le pied et demi d'estain et le faire parler.
5. Item, faut refaire le nazart qui est de plomb.
6. Plus faut faire un jeu de cornet commençant en E la, mi, à cinq thuyaux sur marche jusques au haut du clavier.
7. Item, faut refaire la quarte du nazart de plomb.
8. Item, faut faire la forniture à trois thuyaux sur marche-à-pied de plomb et le hault d'estain.
9. Item, la cymbale de [deux] thuyaux sur marche ou trois si faire se peut de pareille estoffe que la forniture.
10. Item, faut faire une trompette de six pieds à cornet de fer blanc.
Item, convient faire deux grands soufflets neufs de cinq pieds de long et de la largeur suyvant la place, de chacun cinq plis, de bois d'eclisse.
Item, faut regarnir le sommier de cuir neuf et les soupapes d'iceluy.
Plus, faut faire un clavier neuf.
Plus, faut faire un marche-pied pour tirer le clavier.
'Nicolas Pescheur et Pierre Pescheur, pere et filz, maistres facteurs d'orgues à Paris, y demeurant rue Judas, parroisse Sainct-Estienne-du-Mont, confessent avoir volontairement promis et promettent à noble et syentifficque personne Maistre Joacain Forgemont, docteur regent en la faculté de theologie, demourant au colleige de Navarre, susdicte parroisse Sainct-Estienne, à ce present et ce acceptant, de faire et parfaire bien et deuement, comme il appartient au dire d'ouvriers et gens à ce cognoissans les orgues qui sont de present en la chappelle et eglise dudict colleige de Navarre, suivant et conformement au devis qui est cy-dessus escript et pour ce faire y fournir par lesdictz Pescheurs, pere et filz, de tous les ustancilles et matereaulx, boys, plomb, estaing et aultres choses qui y sont necessaires affaires (sic) de leurdict estat et les rendre bien et jouantes sonnantes et accordantes, comme il appartient; à commencer à y travailler par eulx la sepmaine prochaine et y continuer sans discontinuer à y travailler en telle sorte et maniere que lesdictz orgues puissent bien jouer le jour et feste de Sainct-Louis prochain venant aux premieres, secondes vespres et à la messe.
Ceste promesse ainsy faicte par lesdictz Pescheurs, pere et filz, moyennant la somme de six cens livres tournois que pour ce ledict sieur Forgemont en a promis, sera tenu, promet et gaige bailler et payer ausdictz Pescheurs, pere et filz, ou au porteur etc en ceste maniere, scavoir cent cinquante livres à la premiere sepmaine d'après Pasques prochain venant, aultres cent cinquante livres tournois au jour et feste de Pentecoste esquivant, aultres cent cinquante livres au jour Sainct-Remy prochain venant, après que au prealable lesdictes orgues ayent esté trouvée bonne, valables (sic) et bien jouante et qu'il auroict esté veue et visitée; et sans que, pour le recouvrement de ladicte somme de six cens livres ledict sieur Forgemont en puisse rien demander, repeter ny avoir aulcun recours contre le corps dudict colleige de Navarre, duquel Monsieur Gaudin, proviseur dudict colleige, est receveur et administrateur des deniers dudict colleige. Car ainsy etc, promectant etc, obligeant chacun en droict soy et l'ung envers l'autre, mesmes lesdictz Pescheurs, pere et filz, pour l'entretenement et accomplissement de tout le contenu y dessus solidairement l'ung pour l'aultre, chacun d'eulx seul et pour le tout sans division ne discussion, renonceant d'une part et d'aultre et encores iceulx Pescheurs aux benefices de division, fidejussion, ordre de droict et de discussion.
Faict et passé à Paris ès estudes des notaires l'an mil six cens seize, le vendredy, après midy, unziesme jour de mars et ont signé :
FORGEMONT PESCHEUR Pierre PESCHEUR RICHER (notaire) NOURRY (notaire).
'Ledict Pierre Pescheur, nommé au marché y-dessus escript, confesse avoir eu et receu à plusieurs et diverses fois dudict sieur de Forgemont, à ce present, la somme de six cens livres tournoiz mantionnée par ledict marché cy-dessus escript et en quoy par icelluy marché ledict sieur de Forgemont estoit tenu et obligé pour les causes contenues audict marché; dont et de laquelle somme de six cens livres tournoiz ledict Pierre Pescheur s'est tenu pour bien comptant, en a quicté et quicte ledict sieur de Forgemont et tous autres et sy promet ledict Pierre Pescheur en acquiter et garentir ledict sieur de Forgemont de ladicte somme de six cens tant de livres envers la veufve de deffunct Nicolas Pescheur, sa mere, que envers ses autres coheritiers et contre tous autres; promectant etc, obligeant etc, renonceant etc.
Faict et passé à Paris ès estudes des notaires, l'an mil six cent dix-sept le vingt-huictiesme jour de janvier, et a signé :
Pierre PESCHEUR SAULNIER (notaire) NOURRY
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 786 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché de réparations de l'orgue du collège de Navarre par Nicolas et Pierre Pescheur.