Promesse par deux joueurs d'instruments d'associer avec eux un de leurs confrères dès qu'il sera reçu maître.
http://data.archives-nationales.culture.gouv.fr/recordResource/041485-c1p6v5nc4hvn--1ncygbdlhozgy an entity of type: RecordResource
Promesse par deux joueurs d'instruments d'associer avec eux un de leurs confrères dès qu'il sera reçu maître.
xsd:date
1637-02-26
26 février 1637
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Laurens Gaburet, maîstre joueur d'instrumentz à Paris et ès faulxbourg Sainct-Jacques-lez-Paris, demeurant ès faulxbourg Sainct-Marcel rue Mouffetart, parroisse Sainct-Medart, et Martin Flaget, maistre joueur d'instrumens sur la terre Saincte-Geneviefve, demeurant èsdict faulxbourg Sainct-Marcel, rue Neufve-Saincte-Geneviefve, susdicte parroisse, confessent avoir promis et promettent à Guillaume Reaulme, maistre joueur d'instrumentz èsdict faulxbourg Saint-Jacques, y demeurant Grande-Rue dudict lieu, parroisse Sainct-Jacques-Sainct-Philippes, à ce present et acceptant, que sytost et incontinant que ledict Reaulme sera receu maistre dudict art à Paris, de l'appeller avec eulx ou l'un d'eulx toutesfois et quantes qu'ilz en auront affaire pour jouer des instrumentz sans qu'ilz en puissent prendre d'autres que premierement ledict Reaulme ny soit appellé.
Et pareillement ledict Reaulme promect et s'oblige audict Gaburet et Flaget, ce acceptans, que jusques à ce qu'il se soit faict passer maistre dudict art à Paris et après qu'il y sera receu de les appeller avec luy partout où il sera mandé pour jouer des instruments et de les preferer à tous autres maistres et particulièrement ledict Gaburet sera préférable audict Flaget.
Et, en cas que lesdictz comparens ou l'ung d'eulx prennent avec eulx d'autres maistres sans s'y appeller et mander l'ung l'autre, les contrevenans ou contrevenant payera à l'autre la somme de dix livres tournoiz de peyne commise, à quoy ilz se soubzmettent et lorsque lesdictz Flaget et Reaulme seront à jouer avec ledict Gaburet, ne leur sera permis de jouer du dessus de viollon si ce n'est du consentement dudict Gaburet à peyne de payer par eulx ou l'ung d'eulx pareille somme de dix livres tournoiz à icelluy Gaburet ou au porteur etc, à quoy ilz se soubzmettent incontinant ledict cas advenu.
Et est accordé que iceulx comparens seront tenuz s'assembler tous les vendredys de chacune sepmaine ès maisons des ungs et des autres à leur tour pour tenir consert à peyne que le deffaillant payera aux autres dix solz tournoiz pour chacune fois qu'il manquera et laquelle presente convention et association les partyes veullent et entendent avoir lieu depuys ce jourd'huy jusques à trois ans prochains venans finis et accomplys sans qu'ilz ou l'ung d'eulx se puisse desister, despartir et quicter sans le consentement les ungs des autres. Car ainsy etc, promectant etc, obligeant chacun en droict soy etc, renonceant etc.
Faict et passé à Paris, ès estudes des notaires soubzsignez l'an mil six cent trente-sept, le vingt-sixiesme jour de febvrier après midy; ledict Flaget a declaré ne scavoir escripre ny signer et les autres ont signé :
Guillaume REAUME De MONROUSSEL (notaire) Laurent GABURET NOURRY (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 392 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Promesse par deux joueurs d'instruments d'associer avec eux un de leurs confrères dès qu'il sera reçu maître.