"Quittance de rachat de rente par Claude Pépin à Jean-Antoine de Baïf et autres."@fr . . "\n \n \n Extrait du contenu :\n \n Fut present en sa personne honnorable homme Maistre Claude Pepin, commissaire et examinateur au Chastellet de Paris, lequel confesse avoir eu et receu de noble Maistre Anthoine de Baif, secretaire de la chambre du roy, demourant sur les fossez d'entre les portes Sainct-Marcel et Sainct-Victor, et de honnorable homme Jean Mamyneau, marchant drappier chaussetier à Paris, demourant place Maubert, et des deniers dud. sieur de Baif, la somme de quatre cens escuz d'or soleil pour le rachapt, sort principal, acquict et admortissement de trente-troys escuz ung tiers d'escu d'or soleil de rente, qui, dès le mardi septiesme jour de febvrier mil cinq cens quatre-vingtz quatre, par devant Perier et Fardeau, furent venduz et constituez aud. Pepin sur les heritages, selon et ainsy que le contiennent les lectres de constitution de ce faictes et passées lesd. jour et an, dont et de laquelle somme de quatre cens excuz sol aud. Pepin paiée, comptée, nombrée et dellivrée comptant en la presence des notaires soubzsignez par Jehanne du Bignon, femme de Anthoine Patu, bourgeois de Paris, à ce presente, en quars d'escu, le tout bon, il s'est tenu et tient pour content et bien paié et en a quicté et quicte ledict de Baif, Mamyneau et tous autres.\n Et, outre, confesse avoir entierement esté paié et satisfaict des arrerages deubz et escheuz jusques à huy, à cause de lad. rente, dont, pareillement, il s'est tenu et tient pour content et en quicte lesd. sieur de Baif, Mamyneau et tous autres.\n Sur lesquelles lectres de constitution a esté escript et substancé le present rachapt, et a consenti et accordé que sur la minutte d'icelles lectres, estant par devers Fardeau notaire, soict escript aussy et substancé led. present rachapt lesquelz escriptz et presente quictance ne serviront ensemble que d'un seul et mesme acquict et descharge, pour quoy faire led. Pepin a faict et constitué son procureur general, special et irrevocable le porteur des presentes auquel il a donné et donne pouvoir et puissance de ce faire et tout ce qui au cas apartiendra et sans ce que sa presence y soict aucunement requise. Promectant etc, obligeant etc, renonceant etc.\n Faict et passé ès estudes des notaires soubzsignez, après midi, l'an mil Vc quatre-vingtz-neuf, le vendredi septiesme jour de juillet, et a signé.\n C. PEPIN.\n PERIER [notaire] CHARLES [notaire]\n \n Origine de l'information :\n \n Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 193, notice n° 79 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . . "Quittance de rachat de rente par Claude Pépin à Jean-Antoine de Baïf et autres."@fr . . . . "1589-07-07"^^ . . . . "7 juillet 1589"@fr . . "\n \n Autre(s) instrument(s) de recherche\n \n Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.\n \n \n "^^ .