Marché d'orgues pour Saint-Médard par Pierre de Castre.
http://data.archives-nationales.culture.gouv.fr/recordResource/041508-c1p6vd85as5v-1rh9lfti6xsyo an entity of type: RecordResource
Marché d'orgues pour Saint-Médard par Pierre de Castre.
xsd:date
1608-01-25
25 janvier 1608
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Fut present en sa personne Pierre de Castre, facteur d'orgues, demeuraut à Charny près Montargis, estant de present en ceste ville de Paris pour ses affaires, logé au couvent des Cordelliers Sainct-Marcel, lequel de son bon gré confesse avoir promis et promect à honnorables hommes Louys Choppin, maistre rotisseur à Paris, Pierre Goguelin, maistre charpentier, Françoys Deslandes, maistre boullenger, et Pasquier Lucas, marchand maistre bonnetier à Paris, tous à present marguilliers de l'oeuvre et fabrique de l'eglise Monsieur Sainct-Medard, fondée audict Sainct-Marcel, à ce presens, ce acceptans, de faire et parfaire bien et deuement au dire d'ouvriers et gens à ce cognoissans, ung orgue de six piedz accompagné des jeux qui ensuivent; assavoir le six pied, trois pieds, ung autre trois pieds et fuzée, pied et demy, gros nazard, petit nazard, cinq balles doubles, fournitures double, ung jeu en tiers commenceant en Si sol fa ut, faire et accommoder le sommier et souffletz à neuf et y accommoder la regalle qui y est à present ou y faire ce qui y sera necessaire et rendre l'ordre bien sonnant avec le cours des ventz; commencer à ce faire le jourd'hui, continuer sans discontinuer et le tout rendre faict et parfaict bien et deuement comme dessus est dict dedans le jour de Pasques prochain.
Et fourniront lesdictz marguilliers toutes les estoffes qui y seront necessaires outre les estayes et estofes qui sont aux vieilles orgues de ladicte egliese que ledic de Castre fera reffondre reservir comme aussy luy serviront de bois et chandelles qu'il conviendra pendant que lesdictes orgues se feront. Et est accordé que le viel fus, souffletz, sommier et clavier estans ausdictes vielles orgues demoureront et appartiendront audict de Castre sans dimynution du prix cy-après mentionné.
Ce marché faict moyennant la somme de deux cens dix livres tournois sur laquelle somme ledict de Castre confesse avoir eu et receu desdictz marguilliers la somme de trente livres tournois dont il se tient pour content et les en quite, et le surplus que lesdictz marguilliers ont promis, seront tenuz, promettent et gaigent bailler et paier audict de Castre ou au porteur au feur et à mesure qu'il travaillera ausdictes ouvrages. Car ainsy, promectant etc, obligeant chacun en droict soy et l'un envers l'autre, lesdictz marguilliers oudict nom, renonceant de part et d'autre.
Faict et passé ès estudes avant midy l'an mil six cens huit, le vingt-cinquiesme jour de janvier, et a ledict Goguelin declaré ne scavoir escripre ne signer et les autres ont signé :
P. de CASTRE Loyz CHOPPIN DESLANDES Pasquier LUCAS SAULNIER (notaire) CHARLES (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 784 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché d'orgues pour Saint-Médard par Pierre de Castre.