Marché pour la répartition des orgues de l'abbaye Sainte-Geneviève-du-Mont par Pierre Pescheur.
http://data.archives-nationales.culture.gouv.fr/recordResource/041509-c1p6vdh6w1fv--1wb49kpuo2gxg an entity of type: RecordResource
Marché pour la répartition des orgues de l'abbaye Sainte-Geneviève-du-Mont par Pierre Pescheur.
@fr
xsd:date
1620-12-04
4 décembre 1620
@fr
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
' Memoire pour racommoder les orgues de l'abbaye Madame Saincte-Geneviefve au mont de Paris.
Premierement, il faut lever tous les tuyaux de leur place et les nettoyer et faire servir les jeux de plomb qui sont dans ladicte orgue et nettoyer la monstre et la pollir.
Item, il fault faire le trois piedz en resonance d'estain sur piedz de plomb en la place de celuy qui est, dedans lequel tout est pourry et ce jeu sera faict tout de neuf.
Item, il faut faire la fourniture toute neuve à quatre tuyaux sur marche d'estain posez sur piedz de plomb à la place de la vieille qui est toute pourrie.
Item, il faut faire la cimballe neufve à trois tuyaux sur marche d'estain posée sur piedz de plomb à la place de celle qui y est, laquelle est toute pourrie.
Item, il faut faire un jeu de trompette de six piedz, les cornetz d'estain, les eschalotz et languettes de cuivre, les boistse et les piedz de plomb, lequel jeu sera mis à la place de la regalle qui est dedans l'orgue.
Plus faut faire deux soufflets neufs et les faire lever de trois piedz à plis de bois et rendre le vent egal et faire le porte-vent tout neuf.
Plus faut faire un marchepied neuf pour tirer le clavier du pied.
Plus il faut racorder le cornet avec le reste des jeux.
' Pierre Pescheur, facteur d'orgues, demeurant à Paris, rue Judas, parroisse Sainct-Estienne-du-Mont, confessa et confesse avoir faict marché, promis et promect à reverend pere en Dieu Messire François cardinal de La Rochefoucault, evesque de Senlis, grand aulmosnier de France, abbé de l'abbaye Madame Saincte-Geneviefve au mont de Paris, à ce present et acceptant, de raccommoder bien et deuement au dire d'ouvriers et gens à ce congnoissans, les orgues de l'eglise d'icelle abbaye, selon et suivant le memoire escript de l'autre part et fournir ce qui est speciffyé par ledict memoire et rendre la besongne faicte et parfaitec dans le jour de Pasques prochainement venant.
Ce marché faict moyennant la somme de trois cens cinquante livres tournois que ledict seigneur cardinal a promis paier audict Pescheur, scavoir cent cinquante livres dans le premier jour de janvier prochain et le reste lorsque lesdictes ouvraiges seront faictes; promectans etc, obligeans chacun en droict soy et l'un envers l'autre, renonceans etc.
Faict et passé en l'hostel dudict seigneur en ladicte abbaye, avant midy, le quatriesme jour de decembre l'an mil six cent-vingt, et ont signé :
Cardinal de LA ROCHEFOUCAULT Pierre PESCHEUR SAULNIER (notaire) CHARLES (notaire).
'Et à l'instant ledict Pescheur a dit ne voulloir recevoir aucune chose sur ledict marché que le tout ne soit faict et parfaict, comme il est dit par ledit marché. Fait les jour et an que dessus.
Pierre PESCHEUR SAULNIER CHARLES.
' Ledict Pierre Pescheur confesse avoir eu et receu desdictz sieurs cardinal abbé et venerables relligieuses personnes freres Lazarre Pietre, soubz-prieur, Jacques Guillemyn, prieur, curé de Choisy, procureur et pitancier, Pierre Guillon, chancellier ès artz, pretre, curé d'Aulnay, aulmosnier, Anthoine Fournier, P. Morel et N. Josse, tous prebtres relligieux profex en ladicte abbaye, representant la plus grande et seyne partye à ce presens, la somme de trois cens cinquante livres à luy promise payer, pour les causes, selon et ainsy qu'il est contenu au marché cy-dessus et de l'autre part escript, de laquelle somme à luy baillée, paiée, comptée, nombrée et dellivrée presentement, asscavoir cinquante livres par ledict sieur cardinal et de ses deniers et trois cens livres par les mains de Maistre Nicolas Saulnier, notaire, presens les notaires soubzsignez, en quartz d'escuz et autre monnoye le tout bon etc; ledict Pescheur s'est tenu et tient pour content, en a quicté et quicte lesdictz sieur cardinal et relligieux et tous autres. Comme aussy recongnoissent lesdictz sieur cardinal, abbé et relligieux que ledict Pescheur a satisfaict au contenu dudict marché ainsy qu'il y estoit tenu, dont ilz le quictent. Laquelle somme de trois cens livres ainsy payée par les mains dudict Saulnier, iceulx sieur cardinal et relligieux ont declarer faire partye et rester de la somme de quatre cens cinquante livres qui luy avoit cy-devant esté laissée pour employer à la repparation desdictes orgues et provenue de la vente qu'ilz ont faict à André et Nicolas Remondi, vignerons demeurans à Nanterre d'un cloz fermé de murailles, contenant trois quartiers, appelé le Cloz de la Barre, sciz audict lieu de Nanterre, par contract passé devant Charles et ledict Saulnier, notaires, le mercredy vingtiesme jour de decembre mil six cens seize; le surplus de la dicte somme de quatre cend livres ayant esté par ledict Saulnier baillée à deffunct Messire Benjamin de Brichanteau, lors abbé de ladicte abbaye qui auroit passé ledict contract et à luy dellivré le dernier decembre ensuivant par sa quictance dudict jour presentement rendue ausdictz sieur abbé et relligieux pour se pourveoir contre les heritiers dudict sieur de Brichanteau ainsy qu'ilz adviseront pour le recouvrement et non contre ledict Saulnier, et partant conformement audict contract iceulx sieurs abbé et relligieux font la presente declaration pour plus grande seuretté desdictz Remondi de garentye desdictz trois quartiers de cloz à eulx venduz, et oultre ont d'icelle somme de quatre cens cinquante livres deschargé le dict Saulnier en tant que besoing est, à condition que pareille somme de trois cens livres tournoiz presentement paiée audict Pescheur sera remploié en achapt de fondz au proffit de ladicte abbaye, comme aussy les cent cinquante livres mentionnée cy-dessus receue par ledict deffunct sieur de Brichanteau si l'on en peult estre paié; promectant etc, obligeant etc, renonceant etc.
Faict et passé l'an mil six cent vingt-un, le treiziesme jour de may, avant midy, en la maison abbatialle de ladicte abbaye Saincte-Geneviefve, et ont signé :
F. cardinal de LA ROCHEFOUCAULT L. PIETRE J. GUILLEMYN F. J. GUILLOU GAILLARD A FOURNIER F. P. MOREL F. N. JOSSE SAULNIER Pierre PESCHEUR PERIER (notaire) CHARLES (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 790 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la répartition des orgues de l'abbaye Sainte-Geneviève-du-Mont par Pierre Pescheur.
@fr