Marché pour le buffet d'orgues du couvent des Carmes.
http://data.archives-nationales.culture.gouv.fr/recordResource/041556-c1p6vpxdn53n--1vnlmelfyqr02 an entity of type: RecordResource
Marché pour le buffet d'orgues du couvent des Carmes.
xsd:date
1630-08-08
8 août 1630
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
' Jehan Buron, maistre menuzier, demeurant au parvis Nostre-Dame, s'oblige et promect faire et construire de neuf ung corps de buffet d'orgues de bois de chesne pour servir à mettre et poser les orgues estans dans l'esglise des Reverends Peres Carmes de ceste ville de Paris, à l'endroict et au dessus du grand portail de ladicte esglise où sont de present posées lesdictes orgues. Lequel buffet d'orgues sera composé de chacun costé d'icelluy de deux grandes tours qui auront chascune douze pieds de haulteur et de largeur deux pieds quatre poulces dans oeuvre, une tour au milieu de huict pieds ou environ et de largeur vingt poulces dans oeuvre, quatre platte face à vingt-quatre poulces chacune dans oeuvre et la haulteur à proportion, ung sommier qui sera divisé en deux parties de chascune vingt-quatre renures, lesquelles parties auront cinq pieds de longueue et quatre de large, d'un bois de deux poulces et demy d'espoisseur; et sera ledict buffet faict de bon vois de chezne, sec, loial et marchant, icelluy buffet garny de ses coulisses et volletz, le tout suivant et conformement au desseing que ledict Buron a presenté ausdictz religieux, qui sera par eux et par lesdictz notaires paraphé ne varietur, qui demeurera entre les mains dudict Buron qui sera tenu le representer lorsque ledict buffect sera faict et parachevé pour le confronter sur icelluy.
Ce marché faict moyennant la somme de neuf cens livres tournois; et a icelluy Buron promis rendre tous lesdictz ouvrages cy dessus bien et deuement faictz au dire d'ouvriers et gens à ce cognoissans dedans le jour et feste de Pasques prochain venant.
'Fut present en sa personne Jehan Buron, maistre menuizier à Paris, y demeurant au parvis Nostre-Dame, parroisse Sainct-Christophe, lequel a faict marché, promis et promect aux venerables relligieux, prieur et couvent Nostre-Dame des Carmes à Paris, asscavoir freres Regnault de Vaulx, prieur, Thomas Rigollet, soubz-prieur, Jehan Aulbin, Mathieu Moyé, Edme Vessier, Aulbin Saulet, Pierre Alix, Pierre Geoffroy, Jehan Hervé, tous docteurs, Jehan Quenisot, Thomas Joaillier, clavier, Claude Gibbé, procureur, Mathieu Mascon, secretain, Pierre Gausché, Claude Vannier, Jehan Cuisset, Claude Mignot, Claude Viollette, Jacques Claveau, Anthoine Baillette, et Jehan Anthoine, tous prebstres relligieux profès dudict couvent, à ce presens, ce acceptant pour tout ledict couvent, de faire bien et deuement au dire d'ouvriers et gens à ce congnoissans les ouvraiges de menuiziers mentionnez au devis de l'autre par escrit, commencer à travailler à iceulx dès maintenant sans dicsontinuer et le tout rendre faict et parfaict bien et deuement, comme dict est, dans le jour de Pasques prochain venant.
Ce marché faict moyennant la somme de neuf cens livres tournoiz sur laquelle somme a esté presentement payé et advancé audict Buron par lesdictz sieurs relligieux, prieur et couvent des Carmes la somme de cent livres tournoiz dont etc, quictant etc, et le surplus montant huict cens livres lesdictz sieurs relligieux prieur et couvent ont promis et seront tenuz les bailler et payer audict Buron ou au porteur etc, scavoir trois cens livres au jour de Pasques, cent livres au jour Sainct-Jehan-Baptiste ensuivant et le reste montant quatre cent livres tournoiz au jour de Noel aussy ensuivant, le tout prochainement venant, auquel devis a esté du consentement des parties augmenté et mis en interligne quatre - conformement auquel devis a esté par lesdictes parties et notaires soubzsignez paraphé ne varietur le desseing desdictz ouvrages qui a esté retenu par ledict entrepreneur pour icelluy representer ausdictz sieurs relligieux lorsqu'il aura parfaict lesdictz ouvraiges -. Car ainsy etc, promectant etc, obligeant chacun en droict soy l'ung envers l'aultre lesdictz sieurs relligieux, prieur et couvent oudict nom tout le revenu temporel dudict couvent; renonceant d'une part et d'aultre.
Faict et passé audict couvent le huictiesme jour d'aoust après midy l'an mil six cent trente et a ledict entrepreneur declaré ne scavoir escripre ne signer et lesdictz sieurs relligieux, prieur et couvent (sic) ont signé :
[signatures des religieux sus nommés et d'autres religieux].
SAULNIER (notaire) CHARLES (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 794 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour le buffet d'orgues du couvent des Carmes.