Marché pour la confection d'un orgue par Pierre Pescheur pour l'église Saint-Étienne-du-Mont.
http://data.archives-nationales.culture.gouv.fr/recordResource/041556-c1p6vpxeeg4j--1rvijh586mnis an entity of type: RecordResource
Marché pour la confection d'un orgue par Pierre Pescheur pour l'église Saint-Étienne-du-Mont.
xsd:date
1631-01-22
22 janvier 1631
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
' Ensuict l'ordonnance d'un jeu d'orgues de seize piedz en montre.
' Et premierement, la montre sera de bon estain polly et bruny dont le plus grand tuau aura seize piedz de haut sans compter le pied du tuyau.
Item, ung bourdon de huict piedz bouché, sonnant seize, les deux premieres octaves de bois et le surplus d'estoffes d'estain et de plomb.
Item, ung huict piedz ouvert en resonnance d'estain fin dont les dix plus gros tuyaux seront en montre qui seront pollis comme la monstre.
Item, ung bourdon de quatre piedz bousché sonnant huict, la premiere octave de bois et le surplus d'estoffe d'estain et de plomb.
Item, ung jeu de quatre piedz à l'octave de huict piedz appellé ou nommé le prestant, lequel sera d'estain fin sur piedz d'estoffe.
Item, ung piedz deux ouvert d'estain fin sur piedz d'estoffe.
Item, une fourniture de six tuyaux sur chacune marche, laquelle sera d'estain fin sur piedz d'estoffe.
Item, une cimballe de quatre tuyaux sur chacune marche d'estain fin sur piedz d'estoffe.
Tous lesquelz jeux cy-dessus faisant seize tuyaux sur chacune marche serviront pour le plain jeu.
Item, une flueste de quatre piedz ouverte qui sera d'estoffe.
Item, ung nazard à fuzée à la quinte de quatre piedz qui sera d'estoffe.
Item, une fleuste de deux pieds ouverte qui sera à la quarte du nazard qui sera d'estoffe.
Item, ung flageolet sonnant ung pied d'estain fin sur pied d'estoffe.
Item, ung jeu de tierce d'estain fin sur pied d'estoffe.
Item, ung cornet à boucquin de cinq thuiaux sur marche commenceant en C, sol, fa, ut dernier lequel sera d'estoffe.
Item, une trompette de huict piedz, laquelle sera sur pied d'estain, d'estoffe.
Item, ung cromehorne sonnant huict piedz d'estain, sur pied d'estoffe.
Item, ung cleron de quatre piedz à l'octave de la trompette, lequel sera d'estain sur piedz d'estoffe.
Item, une voix humaine en ton de huict piedz aussy d'estain fin sur piedz d'estoffe.
Item, ung sommier bon et suffisant pour placer et pozer les thuyaux cy-dessus dans le grand corps d'orgues.
Item, il convient faire deux jeux de pedalles, savoir le premier jeu sera ung huict piedz de bois, le premier octave et le surplus d'estoffe, lesquelles pedalles sont en nombre de vingt et neuf marches.
Item, il convient faire ung jeu de pedalles en sacqueboutte appellé trompette en ton de huict piedz pour accompaigner les pedalles de fleuste, lesquelles seront d'estain sur pied d'estoffes.
Lesquelz jeux cy-dessus seront, comme dict est pour le grand corps d'orgues.
Pour le positif.
Une montre de quatre piedz de la bouche en hault d'estain fin polly et bruny comme celluy du grand jeu.
Ung bourdon sonnant huict piedz, la premiere octave de bois et le surplus d'estoffe, lequel sera bousché.
Item, ung jeu de deux piedz ouvert, lequel sera d'estain fin sur piedz d'estoffe.
Item, une fourniture de trois tuyaux sur chacune marche d'estain fin sur piedz d'estoffe.
Item, ung cimballe de trois tuyaux sur marche d'estain fin sur piedz d'estoffe.
Et pour le plain jeu du positif, il aura neuf tuyaux sur chacune marche.
Lesquelz jeux cy-dessus au nombre de neuf tuyaux sur chacune marche serviront pour le plain jeu.
Item, ung jeu de nazard bousché à biberon, lequel sera d'estoffe.
Item, ung larrigot pour servir de petit nazard d'estain fin sur piedz d'estoffe.
Item, ung chromehorne sonnant huict piedz d'estain fin sur piedz d'estoffe.
Item, ung sommier bon et suffizant pour pozer les thuyaux cy-dessus pour ledict positif.
Deux claviers pour les deux orgues (...) Item, un rossignol.
Plus ledict sieur facteur a promis que ce qui se trouvera aux aultres de claviers, jeux ou gentillesses de les faire auxdictes orgues.
'Furent presens en leurs personnes, Monsieur Maistre François Le Saulnier, conseiller du roy nostre sire en sa cour de parlement, noble homme Maistre Pierre Perrault, advocat en ladicte cour, honorables hommes Nicolas Cliquet, marchand de bois, bourgeois de Paris, et Jehan Le Jeuge, le jeune, marchant boucher, aussy bourgeois de Paris, tous à present marguilliers de l'eglize, oeuvre et fabricque Sainct-Estienne-au-Mont de Paris, d'une part, et honnorable homme Pierre Pescheur, facteur d'orgues, demeurant à Paris, rue Judas, parroisse Sainct-Estienne-du-Mont, d'autre part, lesquelles parties confessent avoir faict entre elles ce qui ensuict, suivant et conformement à la resolution faicte en l'assemblée de ladicte parroisse le dimanche quinziesme jour de decembre mil six cent trente, scavoir que ledict Pescheur a promis, sera tenu et promect faire faire les dictz ouvrages portés par ledict devis cy-devant escript, tant pour le grand jeu que positif, tuyaux, sommiers, claviers, abregez, souffletz et generallement tout ce qui est de la perfection desdictz ouvraiges suivant et conformement audict devis cy-devant escript et icelles orgues rendre en leurs tons et d'accord, selon ce que chacun desdictz jeux separement et tous en general le requiert et generallement tout ce qui depend de la perfection de sondict art suivant et au desir dudict devis cy-dessus.
Ce marché faict moyennant la somme de six mil livres tournois (...) pareille somme de mil livres tournoiz incontinent que le pozitif sera faict et pozé, aultres mil livres tournois six mois après, et le surplus ce paiera de six mois en six mois (...). Car ainsy (...) ledict Pescheur corps et biens, renonceant de part et d'aultre etc.
Faict et passé ès estudes après midy, double, l'an mil six cent trente-ung, le vingt-deuxiesme jour de janvier et ont signé :
F. SAULNIER P. PERRAULT N. CLIQUET Pierre PESCHEUR J. LE JUGE CAPITAIN (notaire) CHARLES (notaire).
(...)
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 798 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la confection d'un orgue par Pierre Pescheur pour l'église Saint-Étienne-du-Mont.