Marché pour la menuiserie de l'orgue de Saint-Étienne-du-Mont.
http://data.archives-nationales.culture.gouv.fr/recordResource/041556-c1p6vpxepog3--1761ryktgy7ol an entity of type: RecordResource
Marché pour la menuiserie de l'orgue de Saint-Étienne-du-Mont.
xsd:date
1631-01-22
22 janvier 1631
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
Devis pour faire et construire les orgues de l'église et parroisse Sainct-Estienne-du-Mont, pour ce qui est de la menuiserie.
Premierement, convient faire ung grand buffet qui aura de haulteur depuis le raiz de chaussée jusques à la derniere corniche, icelle comprinse, douze piedz de largeur, profondeur et espoisseur, telles qu'il sera dict par le facteur de l'orgues et pour les espoisseurs du bois à proportion de la longueur et portée desdictes pieces, fors que les quatre pilliers dudict buffet du corps d'embas auront huict poulces de large sur quatre d'espoisseur ou environ.
Au dessus du buffet, y aura trois tourelles et six plates faces pour loger les tuyaulx, assavoir deux tourelles aux deux costés, chacun de dix-huict piedz de haulteur, depuis la corniche d'embas jusques à l'architrave d'en hault et celle du millieu douze piedz.
Les montans seront de six poulces de large et trois d'espoisseur ou plus si besoing est pour les plus longues pieces tant pour ceulx de devant que ceulx de derriere.
Plus convient faire ung petit buffet pour le positif de huict piedz de largeur, de haulteur et profondeur telles que dira le facteur, au dessus duquel buffet y aura trois tourelles, celle du milieu de sept piedz de haulteur entre la corniche d'embas et l'architrave d'en hault et les deux des costés de cinq pieds et demy de haulteur, lesdictes tourelles avec les deux plattes faces qui seront entre icelles de la grosseur et largeur que dira le facteur, les espoisseurs des montant de cinq poulces de large sur deux poulces et demy d'espoisseur.
Plus seront faictes des deux costés deux galleries qui joindront le positif, soit en carré comme porte le dessin et portraict qui a esté faict desdictes orgues que les parties ont paraphé ou en rond, selon qu'il sera advisé pour le plus beau et le plus à propos, le bois desquelles galleries, excepté les poultres et soliveaux qui les porteront que les dictz sieurs marguilliers seront tenus faire mectre à leurs despens, sera fourny par le menuisier.
Plus les volletz tant du grand jeu que du positif, lesquelz seront faictz à chassis d'assemblages, le bois de poulce et demy d'espois, fors les deux costés où seront les ferrures, lesquelz seront de deux poulces d'espoisseur ou environ selon qu'il sera advisé, lequel chassis sera faict d'assemblage à compartimens de la façon la plus gentille et à propos qui sera advisé pour la grandeur de l'ouvrage.
Seront l'ung et l'aultre jeu couvertz de planchers faictz à languette au double joinctz; l'entour des buffetz sera fermé de menuiserie avec les portes et ouvertures necessaires.
Comme aussy sera tenu de faire trois figures sur les trois tournelles du grand jeu et deux sur le positif selon le desseing que en donnera lesdictz sieurs marguilliers, desquelles figures, principalement des deux du petit jeu sera faict un modelle de terre ou de cire pour veoir si elles agreront ausdictz marguilliers.
Seront les devans et parements dudict oeuvre faictz et taillés tant en corniche qui seront dentelées, plainctes, frises, architraves, culz de lampes, couvertures des tourelles avec les harpies qui porteront les deux grandes tourelles du grand jeu et les panneaux tant du grand jeu que des galleries d'ouvraiges convenables de basse taille, de feuillages et crotesques aux lieux où il convient et d'histoires, selon les desseings qui seront baillés par lesdictz marguilliers où ilz ne se contenteront des ouvraiges et facons qui sont par ledict desseing paraphé.
Ensemble sera tenu le menuisier faire tous les planchers et sieges aux endroictz que dira le facteur et de la grandeur convenable, comme aussy toutes aultres choses deppendans de son art pour la perfection dudict oeuvre.
Sera tenu en oultre de faire les planchez pour mectre les souffletz dont cellui d'embas sera sur l'embourge, le second pour porter deux desdictz souffletz sur la charpente que lesdictz sieurs marguilliers feront faire à leurs despens, lesquelz planchers seront aussy faictz à languettes.
Plus sera tenu faire ung lambris pour fermer lesdictz souffletz, lesquelz s'elleveront et ouvriront où besoing sera et comme l'ouvrage le requerra.
Oultre sera ledict menuisier tenu faire et attacher dessoubz la charpenterie qui portera le positif les galleries ung platfondz de la façon de celluy qui a, comme dict est, esté paraphé des parties ou d'aultres vallans icellui, au cas qu'il faille changer ledict desseing du platfondz ne sera tenu ledict menuisier fournir aucune ferrures mais sera fournie où il conviendra par lesdictz sieurs marguilliers.
Tous lesquelz ouvraiges, tant de menuiserie que de sculpture, seront faictes de bois de chesne sain et nect et sans aucun aubier et generallement faire et parfaire tous les ouvraiges qui seront necessaires pour la perfection desdictes orgues dudict art de menuizerye.
' Furent presens en leurs personnes Messieurs Maistre Françoys Le Saulnier, conseiller du roy nostre sire en sa cour de parlement, noble homme Maistre Pierre Perrault, advocat en ladicte cour, honorables hommes Nicolas Cliquet, marchand de boys, bourgeois de Paris, et Jehan Le Juge, le jeune, marchant boucher, aussi bourgeois de Paris, tous à present marguilliers de l'oeuvre et fabricque de l'eglise Sainct Estienne-du-Mont de Paris, d'une part, et honorable homme Jehan Buron, maistre menuisier à Paris, demeurant proche de l'eglise Nostre-Dame, d'aultre part, lesquelles parties ont dict et declairé mesmes lesdictz sieurs marguilliers suivant la resollution faicte en l'assemblée de ladicte parroisse le dymanche quinziesme jour de decembre mil six cens trente avoir faict, comme par ces presentes ilz font, le marché, (...)- Ce marché faict moyennant la somme de quatre mil livres tournois (...) Faict et passé ès estudes après midi, double, l'an mil six cens trente-ung, le vingt-deuxiesme jour de janvier et a ledict Buron declaré ne scavoir escripre ne signer et les aultres ont si.
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 801 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Marché pour la menuiserie de l'orgue de Saint-Étienne-du-Mont.