Délibération au sujet de la malfaçon des cloches de Saint-Étienne-du-Mont.
http://data.archives-nationales.culture.gouv.fr/recordResource/041557-c1p6vq5czq6z--1uq06h8mp140m an entity of type: RecordResource
Délibération au sujet de la malfaçon des cloches de Saint-Étienne-du-Mont.
xsd:date
1628-04-19
19 avril 1628
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Aujourd'huy, datte des presentes, en la presence des notaires garde-nottes du roy Messieurs Maistre Michel Ferrant, sieur de Beaufort, conseiller du roy en sa cour de parlement, honorables hommes François Presde seigle, marchant drappier, bourgeois de Paris et Pierre Le Juge, marchant boucher, aussy bourgeois de Paris, à present marguilliers de l'oeuvre et fabricque de l'eglise Sainct-Estienne-du-Mont de Paris, lesquelz suivant le jugement ce jourd'huy rendu par Monsieur le prevost de Paris ou Monsieur son lieutenant civil entre lesdictz sieurs marguilliers d'une part et Jehan Jacques, maistre fondeur de cloches, par lequel jugement auroit esté ordonné que les cloches entreprises par ledict Jacques de fondre pour ladicte oeuvre seroient pezées sur le fleau de bois de l'Arcenac que lesdictz sieurs marguilliers auroient faict apporter en ladicte eglise par deux maistres fondeurs de cloches, dont les parties convienderoient, et pour ce faire ce transporter ledict jour, deux heures de rellevée, en ladicte eglise où lesdictz sieurs marguilliers se seroient transportez à ladicte heure de deux heures de rellevée pour veoir faire ledict poidz en laquelle eglise où lesdictz sieurs marguilliers auroient attendu ledict Jehan Jacques jusques à quatre heures de rellevée où il ne seroit comparu ny aultres pour luy tellement que lesdictz sieurs marguilliers auroient publiquement et en la presence de plusieurs notables paroissiens de ladicte eglise tant durant les offices des tenebres qui ont esté dict en icelle eglise que après faict procedder au milieu de la nef d'icelle eglise au poidz desdictes cloches en la presence particullierement de Maistre Pierre Le François, François Gourmont, Pierre Clement, Jehan Mordant et Jacques La Motte, prebstres habitués en ladicte eglise, honnorables hommes Nicolas Longuet, bourgeois de Paris, Maistre Michel Duchesne, prebtre, René Duvernet, marchant de chevaulx, Jehan Bourcier, Louis Bourcier, marchans frippiers, Robert Grandjen, marchant sandrier, Guillaume Gaultier, Anthoine Despotz, Louis Magnan et Denis Roger, marchand de chevaux, qui auroient veu et regardé faire le poidz desdictes cloches qui auroient esté poizées par honorable homme Jehan Froissant, marchant de fer, bourgeois de Paris, pour cest effect mandé par lesdictz sieurs marguilliers pour pezer lesdictes cloches, lequel, en la presence d'iceulx marguilliers et des dessusnommez auroit pezé icelles cloches l'une après l'autre, tant avec poidz marqués de cinquante livres chacun que aultres moindres, avec lesquelz poidz auroit esté mis en la presence des dessusdictz sept lingots de mestail restans de la fonte desdictes cloches, faisans lesdictz sept lingotz deux milsix cent vingt-neuf livres, le poidz desquelles cloches s'est trouvé monter scavoir la cloche nommé Denis mil trente livres, la deuxiesme cloche nommée Pierre treize cens soixante quatorze livres, la troisiesme nommée Paul dix-huict cens sept livres, la quatriesme nommée Gabriel deux mil trois cens quarente livres, la cinquiesme nommée Marie quatre mil deux cens cinquante livres, la sixiesme et derniere servant pour le timbre, nommée Geneviefve, quatre mil cinq cens soixante dix livres; lesquelles six cloches ledict Jehan Jacques estoit tenu faire pour lesdictz sieurs marguilliers et les rendre au poidz et aux charges et conditions portez par le marché faict entre eulx par devant les notaires soubzsignez le vingt-septiesme janvier dernier et aultres charges portées par icelluy et auquel lesdictz sieurs marguilliers n'entendent desroger en aulcune sorte et maniere que ce soit, après que lesdictz sieurs par protestation faicte par iceulx sieurs marguilliers de tous despens, dommaiges et interestz allencontre dudict Jacques de repeter contre luy les fraiz esquelz il est tenu suivant ledict marché et par lesdictz sieurs marguilliers paiés pour luy et de tout ce qui faict à protester en ceste partie, dont et de quoy lesdictz sieurs marguilliers ont requis et demandé acte ausdicts notaires qui leur ont octroyé ces presentes pour leur servir et valloir en temps et lieu ce que de raison.
Ce fut faict, dict, declaré, requis et octroyé en la nef de ladicte église, l'an mil six cens vingt-huict, le dix-neufiesme d'avril après midy heure de neuf heures du soir et ont signé :
J. MOTTE P. LE FRANÇOIS J. BOURCIER LE TELLIER René DU VERNET L. BOURCIER LONGUET R. GRANDJEAN GAULTIER DUCHESNE Anthoine DESPOTZ GOURMONT L. MAGNAN MORDANT CLEMENT FOUQUELIN J. AURYART J. FRESSANT M. FERRAND Thomas MEUVET
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 839 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Délibération au sujet de la malfaçon des cloches de Saint-Étienne-du-Mont.