Consentement par douze joueurs d'instruments au désistement d'un de leurs associés.
http://data.archives-nationales.culture.gouv.fr/recordResource/041626-c1p6wauqlraz-x34apjdt4egc an entity of type: RecordResource
Consentement par douze joueurs d'instruments au désistement d'un de leurs associés.
xsd:date
1620-10-31
31 octobre 1620
rdf:XMLLiteral
Autre(s) instrument(s) de recherche
Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.
rdf:XMLLiteral
Extrait du contenu :
'Aujourd'huy, datte des presentes est comparu par devant les nottaires et garde-nottes du roy nostre Sire en son Chastellet de Paris soubzsignez, Denis Le Tourneur, maistre joueur d'instrumens à Paris, y demeurant rue des Prescheurs, parroisse Sainct-Eustache, lequel a declaré qu'il se desistoit et departoit, comme par ces presentes il se desiste et depart, de la societté qui avoit cy-devant esté contractée entre ledict Le Tourneur et Pierre Dupin Jehan Cresto dict La Haye, Claude Henry et Claude Duburet, Toussainnctz Pochet, Gregoire Le Vacher, Jehan Lor, Jehan Jovert, (en blanc) Drouart, Mathias Dumanoir et Rolland Bonnard, aussy tous maistres joueurs d'instrumens à Paris, absens, ce acceptans par ledict Dupin et de tous lesquelz icelluy Dupin se faict et porte fort et ce suivant le jugement donné par M. le lieutenant particullier deux mois sont et plus, quoy faisant ledict Le Tourneur a quicté et quicte par ces presentes tous les dessus nommez de tous les droictz et profictz qui luy pourroient appartenir à cause de ladicte societté de tout le passé jusques à ce jour et promect de ne les en rechercher, comme aussy ledict Dupin, tant en son nom et comme se faisant et portant fort en ceste partye de ses coassociez a quicté et quicte ledict le Tourneur de tout ce dont ilz luy eussent peu faire action et demande pour raison de ladicte societté que peyne portée par le contract d'icelle, que des fraiz et despens qui ont esté faictz allencontre dudict Le Tourneur à cause de la poursuitte qui auroict esté faicte contre luy, dont seroit intervenu ledict jugement que de touttes autres quelzconques pour raison de ce. Et ce, moyennant la somme de vingt-une livres six solz tournois, de laquelle somme a esté payé par ledict Le Tourneur audict Dupin la somme de quatorze livres et six solz et qu'il luy a icelle somme presentement et en la presence des nottaires soubsignez baillée, payée, nombrée, dellivrée en pieces de seize solz et autre monnoye le tout bon, que icelluy Dupin èsdictz noms s'est tenu et tient pout contant et en a quicté et quicte ledict Le Tourneur, et le promect audict nom, mesmes en son propre et privé nom acquiter et garentir envers lesdictz Cresto et consors dessus nommez ses associez et tous autres et pour le surplus d'icelle somme de vingt-une livres six solz, montant sept livres ont esté desduictz et precomptez audict Le Tourneur pour pareille somme qui luy estoit deue par ladicte societté. Et lequel contract de societté demeure nul et de nul effect pour le regard dudict Le Tourneur; promectant etc, obligeant etc chacun en droict soy scavoir ledict Dupin oudict nom mesmes en son propre et privé nom et en chacun d'iceulx noms l'un pour l'autre et chacun pour le tout sans division ne discussion, renonceant aux susdictz benefices.
Faict et passé ès estudes des notaires soubzsignez, l'an mil six cent vingt, le trente-ungniesme et dernier jour d'octobre, avant midy, et ont signé :
DUPIN CUVILLYER (notaire) Denis LE TOURNEUR LEROUX (notaire)
Origine de l'information :
Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 381 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Consentement par douze joueurs d'instruments au désistement d'un de leurs associés.