. "\n \n Autre(s) instrument(s) de recherche\n \n Documents du Minutier central concernant l'histoire de la musique (1600-1650), par Madeleine Jurgens, tome II, Paris, Archives nationales, 1974, 1092 p.\n \n \n "^^ . . . "\n \n \n Extrait du contenu :\n \n 'Furent presens en leurs personnes Gregoire Le Vacher, Ancelot Duingue Bernard de Mante, Jehan Coiffier, Pierre Dupain, André Mullot, Jacques Duingue, Charles Perier et Jehan Jauvert, tous maistres joueurs d'instrumens, demeurans à Paris, scavoir ledict Le Vacher rue de la Verrerie, lesdictz Duingue pere et filz rue des Petits-Champs, ledict de Mante soubz les pilliers des Halles, ledict Coiffier rue Vieille-Drapperie, ledict Dupain rue de la Truanderye, ledict Mullot rue Gervais-Laurent, ledict Perrier rue de la Champverrerie et ledict Jauvert rue de la Heaulmerye. Lesquelz de leurs bons grez recongneurent et confesserent eulx estre associez et associent ensemblement du jour et feste de Pasques prochain venant jusques à dix ans après ensuivans pour servir les nopces, festes, haubades, serenades et en touttes autres assemblées ausquelles lesdictes partyes joueront, scavoir ledict Le Vacher de la basse de violon et du gros haultboys, ledict Duingue pere jouera de la basse de viollon et du gros haultboys, ledict de Mante du dessus de viollon et de cornet, ledict Coiffier des tailles de viollon et de cornet, ledict Dupain des dessus de violon et de cornet, ledict Mullot des tailles de violon et de cornet, ledict Duingue filz des dessus de violon et de cornet, ledict Perier des haulte-contre de violon et haulte-contre de cornet et ledict Jauvert du cinquiesme de violon et haulte-contre de cornet; lesquelles partyes ne pourront entreprendre sur le jeu l'un de l'autre ausdictes assemblées cy-dessus ausquelles trois d'icelles partyes jouerront ensemblement, et en cas que l'un d'eulx ne joue sa partye il sera tenu de mectre ung homme capable à sa place et ce à ses despens.\n Et seront tenuz apporter fidellement en ladicte association ce qu'ilz gaigneront sans fraulde, à peine de trente livres tournois par celuy qui commectra icelles qu'il sera tenu paier aux autres sans aulcunne forme ne figure de procès; et pour le regard de ceulx qui jouerront aux champs, demourera à leur proffict le gaing qu'ilz y feront et sans qu'ilz puissent pretendre aulcune part en ce que ceulx qui jourront en leur absence en la ville gaigneront.\n Et a esté accordé que aulcun des dessusdictz ne pourront aller jouer avecq d'autres sans eux advertir ny demander congé à l'un desdictz associez.\n Et seront tenuz tous les dessus nommez se trouver aux concertz qu'ils feront tous les vendredys scavoir depuis Pasques jusques à la Sainct-Remy à quatre heures après midy et depuis la Sainct-Remy jusques à Pasques à trois heures aussy après midy et celuy qui manquera à se trouver ausdictz concertz à l'heure dessusdicte, il sera tenu paier aux autres qui s'y trouveront la somme de trente-deux solz tournois. Pareillement celuy ou ceux qui manqueront à se trouver ausdictes haulbades et serenades quand ilz en auront esté deuement advertiz par le porteur paieront scavoir pour le manquement qu'ilz auront faict à la première vingt solz et pour les autres chacune dix solz tournois aussy au proffict des autres qui s'y trouverront et celuy ou ceulx qui manquerront à se trouver aux nopces pour le disner à l'assiette de table paiera seize solz tournois et pour le souper devant que le premier bransle soict joué paierra pareilz seize solz, le tout applicquable au proffict des autres qui s'y trouveront, comme dict est, et sy aulcuns des susdictz associez joue aux fiançailles et lendemains, ilz prendront chacun quarente solz tournois.\n Et en cas que aulcuns desdictz associez soict mallade pendant ledict temps il participera neaulmoings avecq les autres au gaing qu'ils feront pendant la malladye.\n Et ne pourront aulcune desdictes parties faire aulcuns marchez pour raison desdictes nopces, haubades, serenades et autres assemblées ou faire la recepte des deniers d'iceulx sans y appeler l'un de la compagnie (...) Car ainsy le tout a esté accordé entre lesdictes partyes, promectant etc, obligeant chacun en droict soy, renonceant etc.\n Faict et passé ès estudes des notaires soubzsignez l'an mil six cens vingt-deux, le vingt-quatriesme jour de mars, après midy, et ont touttes lesdictes partyes signé :\n LE VACHER DE MANTE DUPIN COIFFIER Jacques DUINGUE CUVILLYER (notaire) Ancelot DUINGUE MULLOT JAUVERT Charles PERIER LEROUX (notaire).\n ' Et le vingt-neufiesme jour d'apvril audict an mil six cens vingt-deux, sont comparuz par devant les notaires et garde-nottes du roy nostre Sire en son Chastellet de Paris soubzsignez Charles Duingue, Toussainctz Poschet et Mathieu Dumanoir, maistres joueurs d'instrumens à Paris et y demeurant, lesquelz (...) Faict et passé ès estudes les jours et an dessusdictz et ont signé :\n JAUVERT DE MANTE DUMANOIR DUPIN Jacque DUINGUE Ancelot DUINGUE COIFFIER Charles DUINGUE LEROUX André MULLOT POCHET Charles PERIER\n \n Origine de l'information :\n \n Documents du Minutier central concernant l'histoire de la musique (1600-1650), par Madeleine Jurgens, tome II [études XI à XX, 1900 actes], Paris, Archives nationales, 1974, p. 382. Toutes les notices ont été extraites de l'instrument de recherche imprimé accessible en ligne par la rubrique 'Autres instruments de recherche'.voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . "24 mars 1622"@fr . "Association de neuf joueurs d'instruments pour dix années."@fr . . . "1622-03-24"^^ . . . . . "Association de neuf joueurs d'instruments pour dix années."@fr .