"Constitution de rente par François Le Jay, Geneviève Delore et Pierre de Ronsard."@fr . . "\n \n \n Informations complémentaires :\n \n En marge :\n 1579, 20 janvier. Décharge donnée par Simon Nicolas à Pierre de Ronsard.\n \n Extrait du contenu :\n \n Par devant Pierre Belot et Guy Nynan, notaires du roy nostre sire ou Chastellet de Paris soubzsignez, furent presens en leurs personnes Maistre François Le Jay, clerc au greffe civil de la court de parlement, Geneviève Delore, sa femme, de luy auctorizée pour faire et passer le contenu en ces presentes, et noble personne Maistre Pierre de Ronsard, aulmosnier ordinaire du roy, demourant en ceste ville de Paris, lesquelz de leurs bons grez et bonnes voluntez, sans aucune force ne contraincte, si comme ilz disoient, recongneurent et confesserent, recongnoissent et confessent en la presence et pardevant lesdictz notaires comme en droict jugement, avoir vendu, constitué, assis et assigné et par ces presentes vendent, constituent, assient et assignent du tout dès mainctenant et à tousjours, promisrent et promectent, l'un pour l'autre et chacun d'eulx seul et pour letout, sans division ne discution, renonceans aux benefices de division et ordre de discution, mesmes lad. femme aux benefices de Velleyan et Autentique si qua mulier à elle exprimez et donnez à entendre par l'un desdictz notaires, l'autre present, estre telz que femmes ne se peuvent obliger, respondre ne intercedder pour aultruy, mesmes pour leurs mariz, sy expressement elles ne renoncent auxdictz benefices et que si elles n'y renoncoient elles en pourroient estre relevées et restituées, à quoy elle renonce, garantir de tous troubles et empeschemens quelzconques, à noble homme Maistre Symon Nicolas, conseiller, notaire et secretaire du roy, absent, Maistre Edme Jan, clerc au greffe civil de la court de parlement, à ce present et acceptant avecq lesd. notaires pour ledict sieur Nicolas, ses hoirs et aians cause, dix-sept escuz d'or soleil de rente annuelle et perpetuelle à les avoir et prandre, gaiger, lever, recevoir et percepvoir, et lesquelz dix-sept escuz d'or soleil de rente lesdictz vendeurs et constituans, aussi chacun pour le tout, sans division ne discution, par eulx, leurs hoirs et aians cause, ont promis, seront tenuz, promectent et gaigent bailler et payer, doresnavant par chacun an à tousjours, audict sieur Nicolas, sesdictz hoirs et aians cause ou au porteur, aux quatre termes en l'an à Paris accoustumez, à chacun d'iceulx par esgalle portion, dont premier terme de paiement escherra au jour et feste de Pasques prochainement venant, pour portion de temps, et, de là en avant, plain terme et continuer par chacun an ausdictz quatre termes tant en et sur les heritaiges et rentes qui ensuivent ausdictz Le Jay et sa femme appartenans, si comme ilz ont dict et affermé et n'estre chargez, obligez ne ypothecquez que des charges cy après declarées.\n Assavoir, sur une maison et jardin, le lieu comme il se poursuict et comporte assis ès faulxbourgs de Paris, hors la porte Sainct-Marcel, devant l'eglise Sainct-Ypolite, nommée la maison de 'Terouenne', tenant d'une part à une maison joignant nommée ' la grand maison de Jehan Leblanc', abboutissant par derrière à une ruelle qui va à la riviere et par devant sur la ditte rue, en la censive du seigneur dont se meult et chargé du cens que se peult debvoir, que lesdictz Le Jay et sa femme n'ont sceau dire ne declarer; ladicte maison à eulx appartenant à cause du propre de ladicte Geneviefve declaré par la succession de feu Maistre Guillaume Delore, son pere, en son vivant greffier de la mareschaulcée de France et dud. Sainct-Marcel.\n Item, sur cinquante livres tournois de rente, ausdictz Le Jay et sa femme appartenant par le moyen de la donnation qui leur en a esté faicte par Françoise Le Jay, vefve de feu Denis Lestelle, en son vivant marchant drappier à Paris, à laquelle ladicte rente appartenoit par le moyen de la cession à elle faicte par damoiselle Marie Senguin, dame de Couberon, vefve de feu noble homme Jehan Postel, en son vivant escuier, seigneur d'Ormoy, à laquelle damoiselle lesdictz cinquante livres tournoiz de rente appartenoient et avoit droict de prendre par chacun an aux quatre termes en l'an à Paris accoustumez sur l'Hostel de la ville de Paris, et qui, dès le jeudy dix-septiesme jour d'aoust mil cinq cens trente six, furent venduz et constituez par les prevost des marchans et eschevins de la ville de Paris à Nicolas Perrot, lequel Perrot l'auroit depuis ceddée à noble homme Maistre Adrian du Drac, conseiller en la court de parlement, qui l'auroit pareillement depuis ceddée à nobles hommes Anthoine et Charles de Louviers, freres, seigneurs de Cornillon, lesquelz aussi l'avoient pareillement ceddée et transportée à feue damoiselle Loise Senguin, de laquelle lad. damoiselle Marie Senguin est heritiere, et icelle rente avoir et prendre chacun an sur les deniers et revenu de l'Hostel de la ville de Paris et sur l'assignation baillée par le roy ausd. prevost des marchans et eschevins pour la somme de cent mil livres tournois audict seigneur roy baillée et delivrée par lesdictz prevost des marchans et eschevins de lad. ville de Paris en lad. année mil cinq cens trente six, comme sur tout le domaine et revenu patrimonial de lad. ville, declaré ès lectres de lad. constitution dessus dactées, signées Cordelle et Quetin, selon et ainsi qu'il est plus à plain contenu et declaré aud. transport passé par devant Jherosme Le Charron et Pierre Dutot, notaires au Chastelet de Paris, en datte du mardy cinquiesme jour de juing l'an mil cinq cens soixante-cinq et aussi selon que le contient le contract de lad. donnation datté de l'an mil cinq cens soixante et treize le huictiesme jour d'octobre, signé Roger et Cothereau.\n Item, sur dix livres tournois de rente (...)\n \n Informations concernant le classement et la cotation du document :\n \n Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').\n \n Origine de l'information :\n \n Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 104, notice n° 22 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . "20 janvier 1576"@fr . . . . "Constitution de rente par François Le Jay, Geneviève Delore et Pierre de Ronsard."@fr . . . "1576-01-20"^^ . . "\n \n Autre(s) instrument(s) de recherche\n \n Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.\n \n \n "^^ . . .