'Religieuse personne frere Guillaume Le Vassor,... de l'ordre de Cluny, dit que puys nagueres... en ceste ville de Paris pour le fait de la reformation de l'abbaye de Villeloing, comme viccaire dellegué de monsr l'archevesque de Tours, affin de faire rapport à la court de Parlement de lad. reformation, suyvant l'ordonnance d'icelle Court, lequel, adverty du procés qui est pendant aux Requestes du Palais, pour raison du prioré de Semoy, scitué et assis prés d'Orleans, congnoissant led. Le Vassor estre en cause dud. procés, par ce qui sera dit et recité cy aprés, pour la descharge de sa consience auroit declairé... que luy estant grandement mallade aud. prioré de Semoy, [Suite de la description dans les informations complémentaires]
http://data.archives-nationales.culture.gouv.fr/recordResource/041877-c1p6y9tc4157--sr9np7t8zia6 an entity of type: RecordResource
'Religieuse personne frere Guillaume Le Vassor,... de l'ordre de Cluny, dit que puys nagueres... en ceste ville de Paris pour le fait de la reformation de l'abbaye de Villeloing, comme viccaire dellegué de monsr l'archevesque de Tours, affin de faire rapport à la court de Parlement de lad. reformation, suyvant l'ordonnance d'icelle Court, lequel, adverty du procés qui est pendant aux Requestes du Palais, pour raison du prioré de Semoy, scitué et assis prés d'Orleans, congnoissant led. Le Vassor estre en cause dud. procés, par ce qui sera dit et recité cy aprés, pour la descharge de sa consience auroit declairé... que luy estant grandement mallade aud. prioré de Semoy, [Suite de la description dans les informations complémentaires]
xsd:date
1526-04-24
24 avril 1526
rdf:XMLLiteral
Autre(s) instrument(s) de recherche
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle, tome I, Paris, Champion, 1905, XLII-932 p.
rdf:XMLLiteral
Informations complémentaires :
dont lors il estoit vray titullaire et possesseur, de sa propre, franche et liberalle voulenté, envoya querir des notaires aud. Orleans, pour resigner led. prioré de Semoy à me Pierre Beauharnois, son nepveu, et dés lors passa procuration pour resigner en court de Rome icelluy prioré, en faveur de sond. nepveu.
Laquelle procuration auroit esté admise, et en vertu d'icelle auroit esté sond. nepveu pourveu dud. prioré de Semoy. Mais luy venu à convalescence, combien qu'il eust retenu bonne et honneste pension sur led. prioré, neantmoins, à la persuasion le quelques gens ou autrement, voulut ravoir led. prioré.
Toutesfois, sachant que sond. nepveu en estoit vray titullaire et que il ne pouvoit recouvrer led. prioré sinon par le moyen de la resignation dud. me Pierre Beauharnois, son nepveu, lequel n'y vouloit aucunement entendre, se retira en la Court, et par autant qu'il avoit quelque assez chez madame la Duchesse, feist tant qu'il recouvra lectres du Roy et de madame la Regente, adressantes à honneste personne sire Guillaume Beauharnoys, pere dud. me Pierre Beauharnoys, par lesquelles estoit mandé aud. Guillaume Beauharnoys qu'il eust à faire resigner par led. me Pierre, son filz, [led. prioré de] Semoy, en faveur dud. Le Vassor ; .. Guillaume Beauharnoys s'en raporta à sond. filz, lequel ne voulloit entendre à lad. resignation ; .. recouvra de rechef icelluy Le Vassor autres lectres dud. [sr] Roy et de mad. Dame, adressantes aud. Guillaume Beauharnoys, à ce qu'il eust à faire lad. resignation à sond. filz, [ou qu'il] allast devers le Roy et madicte Dame, quelque part qu'ilz feussent.
Et depuys en cores obtint led. Le Vassor plusieurs autres lectres pareillement plaines de menasses, et mesmes lectres adressantes au bailly d'Orleans ou son lieutenant, par lesquelles luy estoit mandé que où led. Le Vassor ne joiroit dud. prioré de Semoy par le moyen dud. Guillaume Beauharnoys ou son filz, qu'ilz eussent à mectre en seure garde lesd. Beauharnoys, pere et filz, et qu'il eust à les envoyer à Lyon, où lors estoit le Roy, garniz du tiltre et de la provision dud. me Pierre Beauharnoys.
Au moyen de quoy led. Guillaume Beauharnoys parla à sond. filz de resigner led. prioré aud. Le Vassor, mesmes en la presence d'icelluy Le Vassor.
Lequel me Pierre Beauharnoys se print à pleurer, en la presence de sond. pere, dud. Le Vassor et plusieurs autres de ses parens et amys, monstrant evidemment et disant à sond. oncle qu'il ne vouloit faire lad. resignation, atendu qui luy avoit esté resigné de son bon gré et voulenté, tellement que pour l'heure ne fut riens fait.
Au moyen de quoy led. Guillaume Beauharnoys craignant que pour lesd. lectres du Roy et de madicte Dame, il peust estre en dangier de sa personne et de ses biens, commanca à menasser sond. filz, trés rudement, s'il ne faisoit lad. resignation ; à ceste cause, tost aprés, craignant led. me Pierre Beauharnoys lesd. menaces du Roy, de mad. Dame et de sond. pere, en pleurant, passa procuration pour resigner en court de Rome audict Le Vassor led. prioré de Semoy.
Mais parce que led. Vassor avoit esté adverty que led. me Pierre Beauharnoys, avant lad. procuration passée et incontinent aprés, avoit fait pardevant notaires protestacions que ce qu'il faisoit estoit par le moyen desd. contrainctes et non autrement, auroit envoyé icelluy Le Vassor quelque temps aprés une personne avec deux notaires devers led. me Pierre Beauharnoys, et luy fut demander s'il estoit plus prieur de Semoy, lequel, parce qu'il avoit faict lesd. protestations au desceu de sond. pere et dud. Le Vassor, craignant que cella vint à leur congnoissance, dit qu'il n'estoit plus prieur dud. prieuré de Semoy, dit qu'il l'avoit resigné aud. Le Vassor, son oncle.
Mais incontinent aprés, ainsi que led. Le Vassor avoit esté deuement adverty, se retira led. me Pierre Beauharnoys devers deux notaires d'Orleans, et declara que se qu'il avoit dit, estoit seullement pour les craintes dessusd. et que jamais il n'avoit eu et ne avoit vouloir de se deffaire ne de resigner ledict prioré. A ceste cause, congnoissant led. Vassor lad. procuration passée en sa faveur et en consequence la provision qu'il en avoit obtenu en court de Rome, estre nulle, faisant grant scrupulle de consience que au moyen de sad. pretendue resignation led. me Pierre Beauharnoys en soit inquieté et detenu en procés, auroit faict ceste presente declaration, et requiert qu'elle soit signiffiée aux parties estans en procés... '.
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 129, notice n° 626 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2010-2012
Date de création de la notice : 2009
'Religieuse personne frere Guillaume Le Vassor,... de l'ordre de Cluny, dit que puys nagueres... en ceste ville de Paris pour le fait de la reformation de l'abbaye de Villeloing, comme viccaire dellegué de monsr l'archevesque de Tours, affin de faire rapport à la court de Parlement de lad. reformation, suyvant l'ordonnance d'icelle Court, lequel, adverty du procés qui est pendant aux Requestes du Palais, pour raison du prioré de Semoy, scitué et assis prés d'Orleans, congnoissant led. Le Vassor estre en cause dud. procés, par ce qui sera dit et recité cy aprés, pour la descharge de sa consience auroit declairé... que luy estant grandement mallade aud. prioré de Semoy, [Suite de la description dans les informations complémentaires]
blank nodes
Beauharnois, Pierre
Beauharnoys, Pierre
Le Vassor, Guillaume
Beauharnoys, Guillaume