'M. Anthoine Le Tourneur dit... que en l'an mil cinq cens XXIIII, au moys d'aoust, reverend pere en Dieu monsr l'evesque de Chartres, pour lors evesque de Tournay, son maistre, l'envoya és pays de l'Empereur, en Flandres et Brabant, pour solliciter envers... le cardinal du Liege, lors evesque de Chartres, les permutacions ou translations desd. eveschez ; et s'addressa led. Le Tourneur à ung marchant de France, nommé Eustace Le Doyen, estant à Peronne, lequel, au moyen du saufconduict qu'il avoit du roy de France et semblablement du saufconduict que ung nommé Eloy de Vimy, marchant de Cambray, avoit de l'Empereur, portoit et rapportoit d'ung pays à autre plusieurs marchandises ; [Suite de la description dans les informations complémentaires]

http://data.archives-nationales.culture.gouv.fr/recordResource/041877-c1p6y9tfyu23-14sd4e2shn23w an entity of type: RecordResource

date
(rico:date)

xsd:date 1526-08-03

3 août 1526

descriptive note
(rico:descriptiveNote)

rdf:XMLLiteral Autre(s) instrument(s) de recherche Ernest Coyecque, Recueil d'actes notariés relatifs à l'histoire de Paris et de ses environs au XVIe siècle, tome I, Paris, Champion, 1905, XLII-932 p.

scope and content
(rico:scopeAndContent)

rdf:XMLLiteral Informations complémentaires : or, en faisant les permutacions ou translations desd. eveschez de Chartres et Tournay, estoit necessaire fournir aud. cardinal grosse somme de deniers, à cause d'aucuns transportz faictz par lesd. reverendz l'ung à l'autre, pour laquelle somme asseurer envers led. reverend cardinal, failloit bailler cautions ésd. pays de l'Empereur. Pourtant, au moyen desd. saufconduictz, led. Eustace avoit convenu et promis aud. reverend de Chartres, pour lors de Tournay, luy faire faire et assigner lesd. cautions, c'est assavoir de douze mille livres tournoys envers led. cardinal et de neuf mille livres tournois ou environ envers les bancquiers, pour l'expedition des bulles à Romme, lesd. permutacions ou translations admises. Pour à quoy satisfaire fut delivré à Peronne par led. reverend de Chartres, au moys d'octobre ensuivant, aud. Le Doyen, grosse somme de deniers pour avoir marchandises et fournir lesd. cautions, comme dit est. Peu de temps aprés, led. Le Doyen, soubz lesd. saufconduictz, envoya és pays de l'Empereur quelque nombre de marchandise, laquelle fut vendue à Anvers par ung nommé Jehan Baptiste Galteroti, ayant charge de ce faire par led. Le Doyen, et des deniers de lad. vente en fut baillé seullement VI mille livres tournois pour fournir lesd. cautions, et IIIIc florins que led. Galteroti delivra, à Malines, à monsr le vicaire de Tournay, entremecteur des affaires dud. reverend de Chartres .... Pour parfaire lesd. cautions de douze mille livres tournois envers led. cardinal, fut baillé et delivré à Peronne, peu de temps après, autre nombre de marchandise par le grenetier de Paris, nommé Germain Vivian, aud. Eloy de Vimy, pour la faire passer soubz lesd. saufconduictz, comme dit est. Laquelle led. Eloy fit charger et mener jusques à Vallenciennes. Mais doubtant led. Eloy que led. Eustace Le Doyen lui en vouloit oster l'entrefaict et mise de lad. marchandise, suscita led. Eloy aucuns marchans de faire arrester lad. marchandise à Vallenciennes, faignans leur estre deu par led. Eloy quelque somme de deniers, comme si lad. marchandise eust esté sienne, ce que non. A l'occasion duquel arrest a led. reverend de Chartres eu et souffert plusieurs grosses pertes, dommaiges et interestz, pour ce que lesd. cautions ne peurent lors estre fournies ne parachevées, et en danger de rompre lesd. permutacions desd. eveschez, etc. Et le scet led. actestant parce que lors il estoit aud. lieu de Malines, attandant lad. marchandise pour parfournir lesd. cautions, et que il luy fut dict ce qu'il a atesté dessus, par Robert de Marceilles, aussi conducteur de lad. marchandise, et ainsi qu'il a peu congnoistre par les lectres missives dud. Vyvian et de ung nommé maistre Anthoine Le Brun, marchant de Vallenciennes, ayant charge avec led. de Marceilles de lad. marchandise ... '. Dont acte est donné à Jean de Bonlieu, marchand, à Rouen. Origine de l'information : Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 138, notice n° 665 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier). Date de révision :2010-2012 Date de création de la notice :2009

blank nodes

data from the linked data cloud