'Nous notaires soubzsignez certiffions à qui il appartiendra que le XIIe de ce present moys de may en ce present an mil cinq cens vingt sept, à la requeste de messire Guillaume de Beaune, general de France, sommes transportez au lieu et maison de la Cousture, où est de present son domicille, et illec nous feist declaracion comme ung religieulx de l'ordre des Freres Prescheurs à Paris, duquel ne scavoyt le nom, avoyt parlé à dame Jehanne Ruzé, sa mere, en l'eglise des Jacobins, et aprés à luy et à elle et audict general en ladicte maison de la Cousture, en la presence de ladicte dame, et leur dict en sustance qu'il avoyt charge rendre et mectre és mains de lad. dame, [Suite de la description dans les informations complémentaires]
http://data.archives-nationales.culture.gouv.fr/recordResource/041877-c1p6y9tr1gd7--wgv6efnugqo9 an entity of type: RecordResource
'Nous notaires soubzsignez certiffions à qui il appartiendra que le XIIe de ce present moys de may en ce present an mil cinq cens vingt sept, à la requeste de messire Guillaume de Beaune, general de France, sommes transportez au lieu et maison de la Cousture, où est de present son domicille, et illec nous feist declaracion comme ung religieulx de l'ordre des Freres Prescheurs à Paris, duquel ne scavoyt le nom, avoyt parlé à dame Jehanne Ruzé, sa mere, en l'eglise des Jacobins, et aprés à luy et à elle et audict general en ladicte maison de la Cousture, en la presence de ladicte dame, et leur dict en sustance qu'il avoyt charge rendre et mectre és mains de lad. dame, [Suite de la description dans les informations complémentaires]
xsd:date
1527-05-12
12 mai 1527 - 16 mai 1527
xsd:date
1527-05-16
rdf:XMLLiteral
Autre(s) instrument(s) de recherche
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle, tome I, Paris, Champion, 1905, XLII-932 p.
rdf:XMLLiteral
Informations complémentaires :
en l'absence de son mary, aucunes lectres, tiltres et enseignemens qui luy avoyent esté baillez par aucune personne qui luy en faisoyt tort, pour les rendre et en descharger sa conscience, mays qu'il ne voulloyt poinct que aucune personne fut presente à la delivrance qu'il feroyt desd. pappiers, affin que en faisant la charge qui luy auroyt esté commise, il ne luy en vint aucun ennuy ou inconveniant.
Sur quoy led. general de son costé auroyt remonstré audict religieulx, par deux foix, l'une à l'heure mesme et l'aultre le mesme jour, en sa religion, que les choses pourroyent estre de telle consequence que le meilleur seroyt pour tous deulx d'y appeller gens pour estre presens, tesmoigner et faire foy de ce que se trouveroyt, mesmement actendu la cryé qui avoyt esté faicte.
Touteffoys voyant led. religieulx perseverer fermement en son premier propos de ne se declairer devant personne et de ne bailler lesd. pappiers synon à elle ou aud. general pour elle, pour obvier de esgarrer lesd. pappiers et iceulx mectre en seureté, luy auroyt led. general, comme il nous dict, accordé son intencion, et de recepvoyr par inventaire entre eulx deulx ce qu'il entendoyt bailler.
Et neantmoins pour faire entendre en temps et lieu, du temps et de la forme de la delivrance des pieces qu'il bailleroyt, auroyt led. general, comme il nous feist entendre, advisé de nous envoyer querir, affin que à l'heure de la venue dud. religieulx, nous fussions en la chambre mesme pour avoyr congnoissance dudict religieulx, et de là nous retirerions en une seconde chambre joignant d'icelle, en laquelle ferions residence jusques au partement dud. religieulx, et incontinant aprés qu'il deppartiroyt, entrerions en lad. chambre pour veoyr les pieces que led. religieulx auroyt baillées, et icelles recollerions par le menu sur l'inventaire qui en auroyt esté faicte en la presence dud. religieulx.
Laquelle chose a par nous esté faicte à troys divers jours, scavoyr le XIIe, XIIIe et seiziesmes de ced. present moys, aux aprés disnées ; ésquelz jours nous avons veu tousjours entrer et sortir ledict religieulx de la chambre dud. general, et sur l'heure aprés, vacqué à recoller l'inventaire qui avoyt esté faicte desd. pieces.
Lequel inventaire, led. XVIe de ce moys, led. religieulx nous declaira en oultre estre veritable et les pieces par luy apportées, entierement avoyr esté inventoriez, ainsi qu'il appert par ce que en avons seigné dud. inventaire, à la requeste dud. religieulx.
Auquel, le XVIe jour dud. moys de may mil Vc XXVII, demandasmes son nom et seurnom ; à quoy nous dict que avoyt nom frere Guy Furby, religieux de l'ordre des Freres Prescheurs et bachelier en theologye, et si nous dict oultre et declaira qu'il avoyt signé de sa main avec led. general la certiffication transcripte en la fin dud. inventaire, et que lesd. pappiers contenuz oud. inventaire luy avoyent esté baillez en secret et confession par aucune personne.
Dont et desquelles choses led. general a pryé, demandé et requis ausd. notaires lectres, qui luy ont faict et octroyé ces presentes, pour luy servir et valloyr à sad. mere et à luy, en tant qu'il s'en est entremys pour elle, en temps et lieu ce que de raison...', du 12 au 16 mai 1527.
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 159, notice n° 784 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2010-2012
Date de création de la notice : 2009
'Nous notaires soubzsignez certiffions à qui il appartiendra que le XIIe de ce present moys de may en ce present an mil cinq cens vingt sept, à la requeste de messire Guillaume de Beaune, general de France, sommes transportez au lieu et maison de la Cousture, où est de present son domicille, et illec nous feist declaracion comme ung religieulx de l'ordre des Freres Prescheurs à Paris, duquel ne scavoyt le nom, avoyt parlé à dame Jehanne Ruzé, sa mere, en l'eglise des Jacobins, et aprés à luy et à elle et audict general en ladicte maison de la Cousture, en la presence de ladicte dame, et leur dict en sustance qu'il avoyt charge rendre et mectre és mains de lad. dame, [Suite de la description dans les informations complémentaires]
blank nodes
Beaune, Guillaume de
Furby, Guy
Ruzé, Jeanne