'Furent presens en leurs personnes honnorable homme et saige maistre Nicole Berault, advocat en la court [de] Parlement, ou nom et comme procureur de noble homme et saige maistre Jaques Colin, secretaire de la Chambre du Roy notre sire, souffisanment fondé de procuration, desquelles la teneur ensuit et est telle : 'Noble homme et saige, etc...', oud. nom, d'une part ; et honnorable homme maistre Josse Badius, marchant libraire juré en l'Université et imprimeur de livres, bourgeois de Paris, pour luy et en son nom, d'autre part ; [Suite de la description dans les informations complémentaires]
http://data.archives-nationales.culture.gouv.fr/recordResource/041877-c1p6y9tzjivv-hpc3kvrcdtsd an entity of type: RecordResource
'Furent presens en leurs personnes honnorable homme et saige maistre Nicole Berault, advocat en la court [de] Parlement, ou nom et comme procureur de noble homme et saige maistre Jaques Colin, secretaire de la Chambre du Roy notre sire, souffisanment fondé de procuration, desquelles la teneur ensuit et est telle : 'Noble homme et saige, etc...', oud. nom, d'une part ; et honnorable homme maistre Josse Badius, marchant libraire juré en l'Université et imprimeur de livres, bourgeois de Paris, pour luy et en son nom, d'autre part ; [Suite de la description dans les informations complémentaires]
xsd:date
1528-03-28
28 mars 1528
rdf:XMLLiteral
Autre(s) instrument(s) de recherche
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle, tome I, Paris, Champion, 1905, XLII-932 p.
rdf:XMLLiteral
Informations complémentaires :
disans lesd. parties, mesmement led. Badius, que despieca led. Colin luy avoit faict imprimer douze cens vingt cinq volumes d'un livre appellé Thucidides, pour l'impression et papier desquelz douze cens ung quarteron led. Colin devoit payer led. Badieus selon le pris convenu entre eulx, duquel pris n'en auroit led. Colin faict aucun payement ne solucion aud. Badius, à tout le moins bien peu, tellement qu'il auroit achevé de imprimer lad. quantité de livres sans en avoir entier payement dud. Colin, à cause de quoy estoit deue aud. Badius grosse somme de deniers pour lad. impression et papier.
Et que, pour avoir payement d'icelle, auroit led. Badius mis en vente, par le commandement dud. Colin, lesd. livres.
Desquelz il ne povoit avoir delivrance ne debit, atendu le hault pris à quoy ilz estoient, mais que neantmoins il en avoit venduz aucuns, tellement que de lad. somme à luy deue, tant pour lad. impression et papier que pour deux feuillez dud. livre qui ont esté refaictes et pour l'escripture d'une coppie de correcta de ung livre appellé Diodore, pour laquelle il a desbourcé unze livres treize solz tournois, luy est encores deue la somme de deux cens vingt livres tournois.
De laquelle somme de deux cens vingt livres tournois led. Badius entendoit avoir payement et en estre payé dud. Colin, parce que au moyen du hault pris à quoy led. Colin avoit commendé vendre lesd. livres, led. Badius eust esté longtemps à en estre remboursé, qui seroit au grant dommaige d'icelluy Badius, ainsi que led. Badius luy avoit faict dire et remonstrer.
Et aussi que le voulloir et intention dud. Colin estoit faire imprimer cy aprés, l'un aprés l'autre, led. livre de Diodore Secule, avec les livres de l'Histoire ecclesiasticque et Justin.
Et que prealablement que iceulx commencer à imprimer, il voulloit estre payé de lad. somme de deux cens vingt livres tournois restant comme dit est.
Finablement lesd. Berault, oud. nom, et Badius, pour obvier aud. dommaige et perte d'icelluy Badius, et affin qu'il puisse estre plus tost remboursé d'icelle somme de deux cens vingt livres tournois, confessent avoir faict entre eulx les accords, convenances, promesses, obligacions et aultres choses qui s'en suivent, c'est assavoir led. maistre Nicole Berault, oud. nom, avoir voulu, consenty et accordé, permis et permect aud. Badius qu'il puisse et luy loyse doresenavant vendre, debiter et ademerer chascun livre dud. Thucidides pour vingt solz tournois pour la reste qui est à vendre d'iceulx, montent icelluy reste ensemble mil cent vingt neuf livres, pour le[s] deniers qui viendront de la vente d'iceulx, estre par led. Badius receuz, tant pour le payement desd. deux cens vingt livres tournois que pour et sur l'impression desd. livres de Diodore Sicule, l'Histoire ecclesiastique et Justin, que led. Colin veult et entend faire imprimer cy aprés, comme dict est.
Lesquelz touteffoys led. Badius ne sera tenu commencer à imprimer sy non et jusques à ce qu'il soit entierement payé et remboursé desd. deux cens vingt livres tournois, aud. pris de vingt solz tournois pour chascun livre.
Et sy tost qu'il en sera remboursé, sera tenu commencer à imprimer ung des autres livres dessusd., comme led. Thucidides, au mesme nombre, papier, lettre et volume et autant de feuilles que contient led. Thucidides, qui est de cent quarente neuf feuilles chascun livre, pour dix solz tournois chascun volume, pour impression et papier, duquel pris il ne sera payé sur led. Thucidides.
Et ne sera tenu led. Badius commencer à imprimer ung autre livre que prealablement il ne soyt payé et satisfaict de celluy qu'il aura imprimé, sur lesd. Thucidides, qui pour ce faire luy demeurent entre ses mains.
Et sy tost qu'il en sera payé, sera tenu led. Badius en commencer à imprimer ung autre sur lesd. mil cent vingt neuf livres de Thucidides restans desd. douze cens ung quarterons, sy tant ilz y peuvent fournir.
Pour lesquelz livres dessusd. imprimer sera tenu led. Colin fournir des coppies correctes à ses despens.
Et sy il en voulloit faire faire et imprimer em perchemyn, il sera tenu fournir le parchemyn neccessaire à sesd. despens, sans ce que led. Badius soit tenu le fournir.
Et pour scavoir par led. Colin si lesd. Thucidides fourniront à lad. impression desd. livres, sera tenu led. Badius sans fraulde ne malice luy monstrer le nombre de ceulx qu'il aura venduz et debitez.
Car ainsi, etc., promettant, etc., obligeant chascun endroy soy ésd. noms, etc., renoncant, etc. Faict doubles, le samedi XXVIIIe jour de mars l'an mil cinq cens vingt sept, avant Pasques.'
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 176, notice n° 880 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2010-2012
Date de création de la notice : 2009
'Furent presens en leurs personnes honnorable homme et saige maistre Nicole Berault, advocat en la court [de] Parlement, ou nom et comme procureur de noble homme et saige maistre Jaques Colin, secretaire de la Chambre du Roy notre sire, souffisanment fondé de procuration, desquelles la teneur ensuit et est telle : 'Noble homme et saige, etc...', oud. nom, d'une part ; et honnorable homme maistre Josse Badius, marchant libraire juré en l'Université et imprimeur de livres, bourgeois de Paris, pour luy et en son nom, d'autre part ; [Suite de la description dans les informations complémentaires]
blank nodes
Berault, Nicole
Bade, Josse (1462-1535)
Colin, Jaques