Dépositions de Nicole Thoreau, prêtre, curé d'Ectot-L'Auber, au diocèse de Rouen, trente ans ; Claude Chevallon, libraire juré en l'Université, bourgeois de Paris, cinquante ans ; Nicolas Prévost, imprimeur de livres, bourgeois de Paris, trente ans ; Remy Boisset, libraire et relieur de livres, à Paris, trente ans ; Thiphaine Auger, veuve de Jean Guillois, demeurant à Paris, trente ans ; Claude Chevallon et Nicolas Prévost déposent 'que le jour d'hier, environ les quatre ou cinq heures aprés midy, ilz virent entrer jusques au nombre de huit ou dix personnes, comme sergens et autres, entre lesquelz y estoient ung homme habillé en prestre et ung paige, [Suite de la description dans les informations complémentaires]

http://data.archives-nationales.culture.gouv.fr/recordResource/041877-c1p6y9uefm9n-ttowil8buci4 an entity of type: RecordResource

beginning date
(rico:beginningDate)

xsd:date 1529-03-21

date
(rico:date)

21 mars 1529 - 22 mars 1529

end date
(rico:endDate)

xsd:date 1529-03-22

descriptive note
(rico:descriptiveNote)

rdf:XMLLiteral Autre(s) instrument(s) de recherche Ernest Coyecque, Recueil d'actes notariés relatifs à l'histoire de Paris et de ses environs au XVIe siècle, tome I, Paris, Champion, 1905, XLII-932 p.

scope and content
(rico:scopeAndContent)

rdf:XMLLiteral Informations complémentaires : qui entrerent en l'hostel de la Cousture, assis à Paris, rue Sainct Jacques. Et dict oultre led. Chevallon que, en entrant par lesd. sergens et autres en lad. maison, sembloit que se feust comme à ung assault, et estoient garniz, fors lesd. habillé en prestre et paige, chascun d'un baston à leur costé. Et que, incontinant qu'ilz furent entrez dedans, fermerent les portes et tost aprés feirent lever les serreures'. Nicole Thoreau dépose 'qu'il veit venir ung serreurier pour lever lesd. serreures...'. Tous trois déclarent 'que tantost aprés arriva ung nommé me Julien Bidault, qui avoit et a acoustumé soy tenir et loger oud. hostel avec me Gilles Perrin, official de Jozas, lequel Bidault, incontinant qu'il feust arrivé, heurta à la porte dud. hostel fermée, auquel heurt luy fut ouvert lad. porte et entra icellui Bidault incontinant en icellui hostel, et luy estant entre les deux premiers huys d'icellui, se gecterent lesd. sergens et autres sur luy pour le garder d'entrer, en luy donnant plusieurs coups sur son corps, et fut icellui poussé et rebouté d'eulx, qu'ilz le gecterent enmy la rue, et alors fermerent led. huys. Et tantost aprés sortit led. habillé en prestre, lequel, en appellant led. Bidault, luy demanda s'il voulloit entrer par amour ou par force, et que s'il y voulloit entrer par force, il n'y entroit poinct, mais par amour bien. Et alors led. Bidault respondit qu'il y voulloit entrer par amour. Ce qu'il feist, et environ ung quart d'heure aprés ce, le virent lesd. actestans sortir sans aucune chose emporter...'. Claude Chevallon et Nicolas Prévost ajoutent 'que, environ les sept heures au soir, arriva led. official, pensant entrer aud. hostel, ce qu'i ne peult faire, mais luy respondirent lesd. sergens et autres grosses parolles...'. Remy Boisset 'dict... que tost aprés il fut appellé de son ouvrouer, estant illec devant, pour estre present à veoir faire inventaire des biens estans en icellui hostel. Et que, environ les cinq ou six heures du seoir, il veid oud. hostel led. Bidault parlant à ung huissier et autres gens estans illec dedans, lequel Bidault leur demanda qu'ilz serchoient illec dedans, qui luy respondirent : 'Mais vous', et incontinant le voullurent mectre hors par force, disant par eulx qu'ilz l'avoient laissé entrer leans par amour et que s'il ne s'en voulloit aller, ilz le mectroient dehors par force, dont led. Bidault se porta pour appellant, en leur demandant leur commission. Dict oultre...que auparavant que led. Bidault arrivast, led. huissier deist à ung prestre, soy disant procureur de frere Adam Fumée, qu'il le mectoit en possession de lad. maison ...'. Thiphaine Auger dépose que 'elle estant oud. hostel ..., où elle a toursjours par cy devant demouré et residé, vindrent et entrerent en icellui environ le nombre de dix personnes, tant sergens que autres gens, et, si tost qu'ilz furent entrez, leverent la serreure de l'huys de devant et fermerent led. huys à verroux sur eulx et, ce faict, s'en allerent à l'huys de la court de derriere, duquelz ilz leverent aussi la serreure. Et aprés s'en allerent par toutes les chambres d'icellui hostel. Et que, tantost aprés qu'ilz eurent tout ce faict, ilz demanderent à lad. Tiphaine où estoit monsr l'official et si tous les meubles qui estoient leans appartenoient à madame la generalle de Beaune ou estoient de l'abaye de la Cousture ; à quoy lad. Thiphaine dict qu'elle leur respondit qu'elle entendoit lesd. meubles estre et appartenir à lad. dame ou aud. official. Et après requist lad. Thiphaine aux dessusd. sortir de lad. maison, ce qu'i luy accorderent. Et elle estant hors d'icelle, veid venir led. me Julien Bidault droict pour y entrer, et, quant elle l'aperceust, se retira vers lad. maison pour entrer avec luy. Et alors led. Bidault heurta à lad. porte, auquel heurt luy fut ouvert l'huys d'icelle porte, et, si tost que lesd. sergens et autres gens estans illec dedans, l'apperceurent et qu'il voulloit entrer leans, se gecterent tous sur luy, le prenant par les cheveulx et luy donnant de grans coups orbes, et, voyant ... qu'il n'en povoient venir à bout, l'un d'eulx donna sur la joue dud. Bidault si grant coup qu'ilz le gecterent lors dehors par si grant roiddeur qu'il cuyda tumber au ruisseau de la rue, et alors refermerent led. huys. Et après ce se retira de rechef led. Bidault vers lad. porte, demandant à entrer dedans, qui luy fut denyé, mais luy fut dict que s'il y voulloit entrer par amytié, qu'il y entroit. Et alors led. Bidault deist que ouy, et ce dict, luy ouvrent lad. porte. Et adonc entra led. Bidault en icellui hostel, et, après qu'il fut entré et qu'il fut en la court, led. Bidault leur demanda de par et à la requeste de qui ilz estoient illec entrez et où estoit leur commission ; à quoy luy respondirent qu'ilz ne luy diroient ja et ne verroit leurd. commission. Et adonc leur deist led. Bidault qu'ilz n'avoient que faire leans et qu'il estoit procureur et soliciteur de me Jacques de Beaune, abbé de lad. abbaye de la Cousture, et qu'il s'en portoit pour appellant, et, oyant par ung nommé messire Jehan ce que led. Bidault disoit, deist aud. Bidault, en jurant et blaphemant le corps et sang de Nostre Seigneur, que s'il ne sortoit dehors, on l'en gecteroit par les espaulles. Et après ce sortit led. Bidault sans aucune chose emporter de lad. maison. Et alors misdrent tous lesd. biens estans en icelle par inventaire. Et dict oultre ladicte Tiphaine que entre lesd. sergens y sont ung nommé Boutin, Monsigot, Deshayes et Cordier ...'. Dont acte, à la requête de Julien Bidault. Origine de l'information : Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. I, 1498-1545 [3608 actes], Paris, 1905, p. 208, notice n° 1032 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier). Date de révision :2010-2012 Date de création de la notice :2009

blank nodes

data from the linked data cloud