'... Marthe de l'Estrac, dame et contesse dud. lieu, femme de... Gaston de Foix, conte de Candalle, disant par elle que... Fédéric de Foix, filz dud. messire Gaston de Foix et d'elle, puis quatre ans ença ou environ, luy avoit et a desrobé ou faict desrober plusieurs choses, tant lectres, tiltres, enseignemens, robbes et habillemens à l'usaige de lad. dame, que aultres choses à elle apartenans, qui estoient en la ville de Pavye, et aussi luy auroit et a faict plusieurs tors, efforts, ingratitudes et griefz, en sorte que par plusieurs foys il auroit trouvé moyen et esté cause de mettre discord et discention entre... son mary et elle, et ce sans cause ne raison ; [Suite de la description dans les informations complémentaires]
http://data.archives-nationales.culture.gouv.fr/recordResource/041878-c1p6yahpvyd7--1eop16xi3zw84 an entity of type: RecordResource
'... Marthe de l'Estrac, dame et contesse dud. lieu, femme de... Gaston de Foix, conte de Candalle, disant par elle que... Fédéric de Foix, filz dud. messire Gaston de Foix et d'elle, puis quatre ans ença ou environ, luy avoit et a desrobé ou faict desrober plusieurs choses, tant lectres, tiltres, enseignemens, robbes et habillemens à l'usaige de lad. dame, que aultres choses à elle apartenans, qui estoient en la ville de Pavye, et aussi luy auroit et a faict plusieurs tors, efforts, ingratitudes et griefz, en sorte que par plusieurs foys il auroit trouvé moyen et esté cause de mettre discord et discention entre... son mary et elle, et ce sans cause ne raison ; [Suite de la description dans les informations complémentaires]
xsd:date
1537-09-01
1er septembre 1537
rdf:XMLLiteral
Autre(s) instrument(s) de recherche
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle, tome II, Paris, Champion, 1923, LXXVII-832 p.
rdf:XMLLiteral
Informations complémentaires :
et dès lors et depuis il luy auroit faict plusieurs menaces.
Et qui plus est, de sa seulle autorité privée, elle estant au chasteau et tour de Villeneufve, en sond. conté d'Estrac, où elle fut contrainte soy retirer, au moyen de ce qu'elle sceut et fut advertye qu'il venoit vers et contre elle, pour la mettre en captivité, led. Fédéric de Foix, accompaigné de cent cinquante ou environ hommes en armes, se adroissa aud. chasteau..., auquel lieu fut tué, comme elle dict, par led. Fédéric de Foix ou ses gens l'un des gens de lad. dame, nommé Jehan de Paris, qui mourut sans confession, comme elle dict, et en fut fort blécé ung aultre, surnommé Garguille, aussi serviteur d'icelle dame.
Et si furent lors devant led. chasteau par l'espace de neuf jours continuelz, tenans led. lieu assiégé, où illec furent par lad. compaignye tirez plus de cinq cens coups de pièces d'arquebuz, passans contre led. chasteau et tour dud. lieu et jusques dedans la chambre où elle estoit couchée.
Et non content de ce, quelque temps après, elle estant en la ville de Thoulouze, en laquelle elle s'estoit retirée, et avoit laissé sond. conté, pour la crainte de sond. filz, pensant par icelle dame estre en seureté en lad. ville, et se délibérant s'en venir par devers le Roy nostresire, en voullant par elle obéyr au Roy ..., à justice et aux arrestz de son Grant Conseil, auroit led. Fédéric de Foix ... assemblé en lad. ville de Thoulouze grosse compaignye de gens, cuydant honteusement prandre lad. dame, sa mère, et la mettre en captivité, pour l'empescher qu'elle n'obeist à justice ne ausd. arrestz, affin d'avoir par luy la joyssance de ses biens.
Feist illec led. Fédéric et sa compaignye troys gros assaultz en armes, en la maison où lad. dame estoit lors logée en lad. ville de Thoulouze, qui fut, comme elle dict, ung gros scandalle en icelle ville.
Au moyen desquelz assaultz et scandalle elle fut contrainte soy retirer (pour éviter à plus grant scandalle et dangier de sa personne) au couvent des Carmes dud. lieu, où illec elle fut cachée en terre et une voulte d'une chappelle dudit couvent.
Et depuis encores, elle estant au chasteau d'Artyguedieu, en sond. conté d'Estrac, s'efforça led. Fédéric, accompaigné de plusieurs gens en armes, entrer oud. chasteau, en sorte qu'il rompyt les portes dud. chasteau et guelta lad. dame, sa mère, tout au long de la nuyt, où illec il la tint captive par deux ou troys jours .
Et de là la mena à Myremont, où il la tint aussi captive par dix ou douze jours, sans permettre aucunement par luy à icelle dame que personne, quel qu'il fust, parlast à elle, tout ainsi que si elle eust esté accusée, convaincue et condampnée de crime.
Et oultre que voyant par led. Fédéric de Foix que lad. dame n'avoit joyssance de ses biens, tant au moyen des empeschemens à elle faictz par ... sond. mary, ... son filz que aultrement, luy auroit icelui Fédéric dényé ses alymens et luy auroit faict plusieurs menaces par plusieurs et diverses foys, et aussi à plusieurs de ses gens, tellement qu'elle ne peult trouver qui la osa servir. Pour ces causes et plusieurs aultres ingratitudes à elle faictes par ... sond. filz, qu'elle entend desduyre en temps et lieu, et aussi parce qu'elle dict qu'il est coustumier de mettre ses menaces à exécution, auxquelles elle ne pourroit résister, tant au moyen du support, intelligence et collusion qu'il a, comme elle dict, avec ... sond. père, duquel ... sond. mary icelle dame ne peult avoir confort ne ayde aucunement, et aussi des grosses habitudes qu'il a, comme elle dict, à plusieurs gros seigneurs ou dames, ausquelz elle n'oseroit résister ne désobéyr, par crainte, persuasion, impression ou aultre induction qui luy pourroient par eulx estre faictes, et aussi par les craintes et menaces desd. ... père et filz, qui sont coustumiers, comme dict est, d'exécuter leurs menaces, pour lesquelles elle pourroit par les dessusd. estre contraincte ou induicte et persuadée à instituer led. Fédéric de Foix son héritier, ou luy faire quelque aultre don de ses biens, ce qu'elle ne veult et n'entend faire, ains déshériter et débouter entièrement ... sond. filz, pour les causes susd., de tous et chascuns ses biens meubles et héritaiges immeubles, présens et advenir, et de sa succession ; à ceste cause, et pour plusieurs aultres causes à déclairer et dont elle fera apparoir, comme elle dict, en temps et lieu, elle a déclairé et protesté ... que quelque donation et institution d'héritier ou aultre don et advantaige qu'elle face ou qu'on luy pourroit faire faire cy après en faveur dud. Fédéric ou de ses enffens, s'aucuns en a de mariaige ou autrement par cy après, soient masles ou femelles, elle ne veult et n'entend qu'il sortisse aucun effect, force ne vertu ..., soit qu'il soient faictz aud. Fédéric ou à aultre quelconque personne que ce soient, en sa faveur ou advantaige de luy ou de sesd. enffens, masles ou femelles, ... soit par mariage dud. Fédéric ou autrement, et ne veult et n'entend que led. Fédéric de Foix, sesd. enffens, masles ou femelles, en aient jamais aucun prouffict, soit du vivant ou après le trespas de lad. dame.
Protestant oultre, par icelle dame, que (...) ' Dont acte. { Voir N3 no 1946 et N4 no 1141 } { cf. acte du 13 mars 1550 XXXIII/0034 (fol. VcLXXIII) (fol. 573) }
Informations concernant le classement et la cotation du document :
Voir une description plus complète de l'acte sur l'instrument de recherche imprimé en ligne (rubrique 'Autres instruments de recherche').
Origine de l'information :
Ernest Coyecque, Recueil d'actes notariés relatifs à l'histoire de Paris et de ses environs au XVIe siècle [étude XXXIII], t. II, 1532-1555 [3002 actes], Paris, 1923, p. 4, notice n° 3622 (instrument de recherche imprimé dématérialisé dont la version intégrale est accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
'... Marthe de l'Estrac, dame et contesse dud. lieu, femme de... Gaston de Foix, conte de Candalle, disant par elle que... Fédéric de Foix, filz dud. messire Gaston de Foix et d'elle, puis quatre ans ença ou environ, luy avoit et a desrobé ou faict desrober plusieurs choses, tant lectres, tiltres, enseignemens, robbes et habillemens à l'usaige de lad. dame, que aultres choses à elle apartenans, qui estoient en la ville de Pavye, et aussi luy auroit et a faict plusieurs tors, efforts, ingratitudes et griefz, en sorte que par plusieurs foys il auroit trouvé moyen et esté cause de mettre discord et discention entre... son mary et elle, et ce sans cause ne raison ; [Suite de la description dans les informations complémentaires]
blank nodes
Paris, Jean de
Estrac, Marthe d'
Foix, Frédéric de
Foix, Gaston de
Foix, Pierre de