Bail par Simon Larcher à Jean Dorat d'une partie de la maison du Chef Saint-Jean, rue de la Grande-Bretonnerie.
http://data.archives-nationales.culture.gouv.fr/recordResource/041880-c1p6yegje40z-1eklnrj8uneq2 an entity of type: RecordResource
Bail par Simon Larcher à Jean Dorat d'une partie de la maison du Chef Saint-Jean, rue de la Grande-Bretonnerie.
xsd:date
1549-01-26
26 janvier 1549
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Extrait du contenu :
Maistre Symon Larcher, scripteur de l'université de Paris, confesse avoir baillé à loyer jusques à six ans, consecutifz et ensuivans commençans au jour de Noel derrenier passé et promect garentir etc à Maistre Jehan Disnemandi dict le Dorat, maistre ès ars, demourant à Paris à ce present preneur, les deux corps de maison en la rue de la Grande Bretonnerie où pend pour enseigne le Chef Sainct Jehan, avec une petite estable estant en la premiere court et l'autre court estant proche et joignant le logis dud. Larcher, fors et excepté que en lad. court se prendra une allée pour aller du corps d'hostel joignant aussi aud. logis dud. Larcher à icelluy Larcher apartenant, lequel led. Larcher se reserve pour s'en servir led. temps durant et en faire à son bon plaisir; lequel se consiste en une grande estable, deux chambres et garniers, ledict corps d'hostel ainsy qu'il se comporte avec la moictié des caves et entre eulx les celliers du grand corps d'hostel estant esd. lieux.
Et led. Dorat aura l'autre moictié desd. caves ainsy que advisé a esté entre led. bailleur et preneur, à laquelle moictié desd. caves led. preneur aura son aysance et y entrera par la viz potayere pour s'en servir. Et où il conviendra aud. preneur faire descendre du vin en icelluy caveau pour son usage et oster ses fustailles, led. bailleur sera tenu luy faire ouverture par l'huys qui sera faict en la separacion d'entre lad. moictié des caves et caveaux laquelle separacion se fera aux despens dud. bailleur.
Et si led. preneur faict quelques leçons publiques en lad. maison autres que celles qu'il fera à ceulx qui seront demourans avec luy, les escolliers demourans ès logis dudict bailleur, pourront aller et oÿr lesd. leçons publiques sans que, pour cela, led. preneur en puisse aucune chose demander, et ce jusques au nombre de six seullement, pour en joyr etc. Cestz bail et prinse faictz pour le pris et somme de cent dix livres tournoiz de loyer pour chacun an led. temps durant, que led. preneur en promect et gaige payer aud. bailleur ou au porteur aux quatre termes, dont le premier terme commençant à Pasques prochainement venant et à continuer etc, et sy garnyra led. preneur etc. et entretiendra les menues reparactions et en la fin dud. temps rendra en bon estat desd. menues reparacions, et ne pourra bailler son marché à personnes quelzconques sans le gré, voulloir et consentement dudict bailleur qui le tiendra cloz et couvert aux us et coustumes de Paris.
Et sy sera tenu et promect encores led. bailleur faire à ses despens une croisée et demy de bées et fenestres bien et deuement acoustrez et cloz de voirieres et menuiserye pour servir en la salle desd. lieux baillez dedans led. jour de Pasques prochainement venant.
Et pourra led. preneur vendre vin qu'il mectrera èsd. lieux hors trois mois qu'il ne pourra vendre pendant que led. bailleur vendra son vin par chacune desd. années, et quant à l'année presente demourera aud. Dorat seullement led. caveau comme il a esté advisé entre eulx. Car ainsy etc; promectant etc, obligeant chacun en droict soy, renonçant etc.
Faict l'an mil cinq cens quarente-huict le samedi vingt-sixiesme jour de janvier double.
PERIER [notaire] FARDEAU [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 244, notice n° 126 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Bail par Simon Larcher à Jean Dorat d'une partie de la maison du Chef Saint-Jean, rue de la Grande-Bretonnerie.