. . "\n \n \n Extrait du contenu :\n \n Noble homme Pierre de Ronsart, escuyer, frere puisné de noble homme Messire Claude de Ronsart, chevalier, seigneur de la Possonniere, lequel apres avoir veu, leu et entendu de mot à mot, comme il disoit, les contractz de vendition faictz par led. Claude de Ronsart, sond. frere, à noble femme Katherine d'Alizon, dame des Molins, demourant à Tours, absente, Mathurin Guylloys, clerc, demourant à Paris, à ce present, stippulant et acceptant pour elle, le contenu cy après, de la terre, fief, domaine et seigneurie de Serceau, ses appartenances, appendances et deppendances d'icelle, led. contract passé en la court royal de Tours par Martin Protais, notaire royal aud. Tours, en dacte du XXIIIe jour d'octobre mil cinq cens quarante sept, a led. Pierre de Ronssard loé, gréé, ratiffié, loe, grée, ratiffie, approuve et a pour aggreable le contenu oud. contract de vendicion faict au prouffict de lad. d'Alizon par sond. frere et à icelle tenir et entretenir de poinct en poinct, selon sa forme et teneur, et au garentage desd. choses s'est lyé et obligé par ces presentes, se lye et oblige avec tous et chascuns ses biens meubles et immeubles presens et advenir, ses hoirs et ayans cause et tout ainsi et par la forme et maniere que led. Messire Claude de Ronssard, son frère, y est tenu, lyé et obligé par lad. vendicion.\n En ce faisant, moyennant ces presentes, led. Pierre de Ronssard a congneu et confessé, congnoist et confesse pardevant lesd. notaires que led. seigneur de la Possonniere, sond. frere aisné, et luy ont accordé, fait et composé ensemble pour raison de la part et portion qui luy povoit appartenir aud. lieu, fief, terre, domaine et seigneurie de Serceau, ses appartenances et appendances d'icelle. Et daventaige, en tant que besoing est ou seroit, led. Pierre de Ronssart a renoncé et renonce par ces presentes à tous et chascuns les droictz, noms, raisons et actions tant de propriété, seigneurie, dommaine, noms, raisons, actions, exploictz ou demande qu'il pourroit avoir et avoir eu en lad. terre, fief, dommaine et seigneurie de Serceau, ses appartenances et deppendances d'icelle, ores et pour l'advenir, le tout au prouffict de lad. d'Alizon absente led. Guilloys stippullant comme dessus avec les notaires pour elle, ses hoirs et ayans cause.\n Aussi s'est departy et depart led. Pierre de Ronssard de tous procès par luy intentez à l'encontre de lad. d'Alizon pour raison de lad. terre, fief, dommaine et seigneurie de Sarceau, ses appartenances et deppandances où led. Pierre de Ronssart auroit fait convenir ou appeller lad. d'Alizon pardevant le prevost de Paris, ou son lieutenant, conservateurs des privilleges royaulx de l'université dud. lieu, pour raison de la moictié dud. lieu de Serceau et pour en partir la possession et saisine d'icelle moictié ou d'autre part et portion de lad. seigneurie et domaine, aussi de certain procès meu et pendant pardevant le senechal du Maisne ou son lieutenant au Chasteau-du-Loir dont sentence seroit intervenue au prouffict de lad. d'Alizon, laquelle sentence et signiffication d'icelle led. Pierre de Ronssard veult et entend sortir son plain et entier effect selon leur forme et teneur au prouffict de lad. d'Alizon, nonobstant opposition ou appellation quelzconques.\n Aussi a led. Pierre de Ronssart, par ces mesmes presentes, loé, agrée, ratiffié et approuvé, loe, grée, ratiffie et approuve et a pour aggreable le contract de vendition faict par venerable et discrecte personne Maistre Charles de Ronssart, archediacre de Chartres, son frere, du contenu en certain contract de vendicion faict par led. archediacre aud. Claude de Ronssart, leur frere aisné, de certaines mestairies et heritages contenu en icelluy, led. contract passé en la court du Bas Vendosmoys par Foussart, notaire en la court de Montoire, en dacte du XXVIIIe jour de mars avant Pasques l'an mil cinq cens quarante-six.\n Et a confessé et confesse led. Pierre Ronssart avoir eu et receu auparavant ce jourd'huy la moictié des sommes de deniers contenuz oud. contract de vendicion de sond. frere Charles de Ronssart, dont il s'est tenu et tient pour content et bien payé et en a quicté et quicte sesd. freres et tous autres qu'il appartiendra à qui quictance appartient, promis et promect icelles choses garantir, saulver et deffendre vers et contre tous de tous troubles et empeschemens quelzconques. Et a consenty et consent lesd. vendicions faictes par sesd. freres sortir leur plain et entier effect selon leur forme et teneur, ensemble les ratiffications par luy faictes de la vendicion faicte par sond. frere de lad. terre de Sarceau à lad. d'Alizon, passée tant par devant Thomas Perier et Francoys Cartault, notaires au Chastellet, en dacte du troysiesme (sic) jour d'avril mil cinq cens quarante huict que de Martin Prothais, notaire royal à Tours, en dacte du quatorzieme jour de may Vc quarante neuf sortir leur plain et entier effect et jamays n'aller à l'encontre moyennant ce que dessus.\n Aussi qu'il a confessé avoir eu et receu sa part du partaige qui luy pourroit compecter et apartenir en la succession de ses feuz pere et mere, si comme tout ce led. Pierre de Ronsart, disoit. Promectans etc, obligeans, etc, renonçans, etc.\n Faict l'an mil Vc cinquante-trois, le mercredi vingt-sixiesme jour d'avril.\n PERIER [notaire] FARDEAU [notaire]\n \n Origine de l'information :\n \n Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 82, notice n° 6 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).\n \n Date de révision :2011\n \n Date de création de la notice :2009\n \n "^^ . "1553-04-26"^^ . . . "\n \n Autre(s) instrument(s) de recherche\n \n Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.\n \n \n "^^ . . . . "\n \n Bibliographie\n Analysé par E. Coyecque, Recueil d'actes notariés relatifs à l'histoire de Paris ... au XVIe siècle, II, n° 6296\n \n "^^ . . "Ratification par Pierre de Ronsard de la vente de la seigneurie de Sarceau."@fr . "Ratification par Pierre de Ronsard de la vente de la seigneurie de Sarceau."@fr . "26 avril 1553"@fr . .