Promesse par le procureur de Melchior de Thorigny de verser une somme de 1 000 écus d'or soleil à Jean Antoine de Baïf et quittance de celui-ci en suite.
http://data.archives-nationales.culture.gouv.fr/recordResource/041892-c1p6yjcs4h6b--qgvm9yu9o0hz an entity of type: RecordResource
Promesse par le procureur de Melchior de Thorigny de verser une somme de 1 000 écus d'or soleil à Jean Antoine de Baïf et quittance de celui-ci en suite.
xsd:date
1578-08-06
6 août 1578 - 28 mars 1583
xsd:date
1583-03-28
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Informations complémentaires :
En marge:
1583, 28 mars. Quittance par Jean-Antoine de Baïf de la somme promise.
Extrait du contenu :
Noble homme Maistre Michel Erard, conseiller et maistre des requestes de Monseigneur et des roy et royne de Navarre, ou nom et comme procureur de damoiselle Melchior de Dorigny, fille damoiselle de ladicte dame royne de Navarre, fondé de procuration de laquelle la teneur ensuyt :
A tous ceulx qui ces presentes lectres verront, Anthoine du Prat, chevallier de l'ordre du roy, seigneur de Nanthoullet, Precy, Rozay, et de Formeries, baron de Thoury et de Viteaulx, conseiller de Sa Majesté, son chambellan ordinaire et garde de la prevosté de Paris, salut. Scavoir faisons que par devant Claude Beaufort et Pierre de Briquet, notaires du roy nostre dit seigneur en son Chastellet de Paris, fut presente en sa personne damoiselle Melchior de Thorigny, fille damoiselle de la royne de Navarre, laquelle a faict et constitué, faict et constitue ses procureurs generaulx et certains messagers especiaulx, Maistre Michel Erard (un blanc) ausquelz et chascun d'eulx, seul et pour le tout, portant ces presentes, ladicte dame constituant a donné et donne pouvoir et puissance, auctorité et mandement special de chevir, transiger, traicter, composer, accorder avecq Messieurs de Ronssart, Bayf, Jamyn et leurs consors sur le differand qui est et pouroict estre entre lad. damoiselle et eulx à l'occasion de la concurance du don qui a esté faicte par leurs Majestez à elle et eulx de la finance provenant de la taxe et composition des offices de sergeans de nouveau creez et establiz en toutes les chambres, greniers, magazins de ce royaume avecq ampliation de pouveoir faire tous exploictz, roiaux et a ladicte damoiselle donné pouvoir et puissance à sesdictz procureurs et chascun d'eulx de offrir aux dessusd. consors et promectre en son nom leur bailler et paier la somme de sept mil sept cens cinquante escuz d'or soleil, pour tout ce qui leur peult compecter et appartenir à cause de leur don et à telz terme, part, convenance et obligations selon et ainsy que sesd. procureurs et l'un d'eulx adviseront et sur le tout passer et accorder par devant notaires, tabellions et partout ailleurs où il apartiendra toutes lectres de transaction, accordz, chevissances, composition et autres tant et telles que mestier sera et generallement de faire, en ce que dict est et qui en deppand, ainsy que ladicte dame constituant feroict et faire pouroict, sy presente en sa personne y estoict, jacoit ce que le cas requis mandement plus especial. Promectant lad. dame constituant en bonne foy soubz l'obligation et ypotecque de tous et chascuns ses biens meubles et immeubles presens et advenir avoir agreable, tenir ferme et stable à tousjours tout ce que par sesdictz procureurs et chacun d'eux sera faict et procuré en ce que dict est et qui en deppand sans jamays y contrevenir.
En tesmoing de ce nous, à la rellation desd. notaires, avons faict mectre le scel de ladicte prevosté de Paris à ces presentes lectres qui faictes et passées furent l'an mil cinq cens soixante et dix-huict, le vingt-neufiesme jour de juillet.
Confesse avoir promis et promect oud. nom bailler et payer à noble homme Maistre Anthoine de Baïf, secretaire de la chambre du roy, à ce present ou au porteur etc, la somme de mil escuz d'or soleil restant de la somme de sept mil sept cens cinquante escuz contenus par ladicte procuration cy dessus transcripte et ce pour particulliere recompense ledict de Baif de plusieurs fraiz, procès, vaccations et biensfaictz qu'il a faictz à la poursuicte des expeditions necessaires pour effectuer le don qu'il a pleu à leur Majesté faire à lui et à nobles personnes Maistre Pierre de Ronssard et autres ses consors de la finance provenant des offices de sergens de nouveaulx estably en toutes les chambres, greniers et magazins à sel de ce royaulme, comme plus à plain est contenu en ladicte procuration, des premiers deniers qui proviendront à lad. damoiselle desd. offices de sergens, et neantmoings poura led. de Baif, sy bon luy semble prendre pour ladicte somme de mil escuz des quictances desdictes offices selon la taxe qui en sera faicte par Messieurs des finances. Promectant etc, obligeant etc, renonçant, etc.
Faict l'an mil cinq cens soixante et dix-huict, le mercredi sixiesme jour d'aoust.
PERIER [notaire] FARDEAU [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 157, notice n° 58 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Promesse par le procureur de Melchior de Thorigny de verser une somme de 1 000 écus d'or soleil à Jean Antoine de Baïf et quittance de celui-ci en suite.
blank nodes
Thorigny, Melchior de