Compte portant constitution de 16 écus 40 sols tournois de rente par Jean Antoine de Baïf à Florent de Barville.
http://data.archives-nationales.culture.gouv.fr/recordResource/041892-c1p6yjcwtueb--1r8a7x39j8jza an entity of type: RecordResource
Compte portant constitution de 16 écus 40 sols tournois de rente par Jean Antoine de Baïf à Florent de Barville.
xsd:date
1589-08-16
16 août 1589 - 30 mars 1610
xsd:date
1610-03-30
rdf:XMLLiteral
Autre(s) instrument(s) de recherche
Documents du Minutier central des notaires de Paris, Ronsard et ses amis, par M. Jurgens, à partir des dépouillements de X. Pamfilova, Paris, Archives nationales, 1985, 488 p.
rdf:XMLLiteral
Informations complémentaires :
A la suite :
1610, 30 mars. Rachat de la rente par Guillaume de Baïf, secrétaire de la chambre du roi, à Jean Bonnevye, huissier sergent à cheval au Châtelet de Paris, et Geneviève Chalbas, sa femme, veuve de Florent de Berville.
Extrait du contenu :
Furent presens en leurs personnes noble homme Maistre Jehan Anthoine de Baïf, secretaire de la chambre du roy, demourant au faulxbourgs Sainct-Marcel sur les fossez d'entre les portes dud. Sainct-Marcel et de Sainct-Victor lez Paris, d'une part, et honnorable homme Maistre Fleurant de Barville, bourgeois de Paris, demourant rue Neufve-des-Boullangers, faulxbourgs Sainct-Victor, parroisse de Sainct-Nicolas du Chardonneret, pour luy et en son nom, d'aultre part. Disans lesdictes partyes qu'ilz ont faict compte amyablement ensemble de tous et chacuns les deniers par led. de Barville payez, frayez et desbourcez ès procès et instances que ledict sieur de Baif a euz et a, tant pardevant Monsieur le prevost de Paris ou son lieutenant, requeste du palais, court de parlement que consulz à l'encontre de plusieurs partyes que des peines, sallaires et vacations que led. de Barville a faictz à la poursuite et sollicitation desd. procès et instances faictz jusques à huy.
Par lequel compte, tout desduict et rabatu, des deniers par led. sieur de Baif fourniz aud. de Barville se seroit trouvé tenu et redevable envers ledict de Barville de la somme de deux cens escuz sol, lesquelz deux cens escuz sol ledict sieur de Baif les a promis, sera tenu, promect et gaige rendre, bailler et payer aud. de Barville ou au porteur, d'huy en deux ans prochains venans. Et, où faulte y auroit de payement d'icelle somme de deux cens escuz sol dedans lesd. deux ans, en ce cas ledict sieur de Bayf a, dès à present, comme pour lors et dès lors comme dès à present, constitué, assis et assigné, ceddé, quicté, transporté et delaissé du tout dès maintenant à tousjours, a promis et promect garantir de tous troubles, destourbiers et autres empeschemens generallement quelzconques audict de Barville, ce acceptant pour luy, ses hoirs et ayans causes à temps advenir seize escuz sol et quarente-solz tournoiz de rente annuelle et perpetuelle, à les avoir et prendre et percevoir par chacun an par led. de Barville et que led. sieur de Baif pour luy, ses heritiers et ayans cause a promis, sera tenu, promect et gaige rendre, bailler et payer à icelluy de Barville, à ses hoirs ayans cause ou au porteur, aux quatre quartiers de l'an à Paris accoustumez, chascun d'iceulx par esgalle portion, premier quartier de payement escheant trois moys après lesd. deux ans passez et à continuer de là en avant par chascun an à tousjours ausd. termes sans discontinuer, generalement sur tous et chascuns les biens, maisons et heritaiges des sieur de Baïf, de ses heritiers et ayans causes, meubles et immeubles, presens et advenir et sur chascun lieu, piece, partye et portion d'iceulx, sur les plus clairs et mieux apparans, les ungs respondans principalement pour les autres et pour le tout sans en faire division ne discution, qu'il en a du tout chargez, affectez, obligez et ypothecquez, charge, affecte, oblige et ypothecque par ces presentes, pour rendre, payer, acquicter, fournir et faire valloir lesd. XVI escuz XL solz tournoiz de rente bonnes etc. sur tous et chacuns les biens et heritaiges dud. sieur de Baif, de sesd. heritiers et ayans cause, meubles et immeubles, presens et advenir et sur chacun lieu, piece, partye et portion d'iceulx etc, solvables et biens payables du tout à tousjours sans aucun deschet, division ne discontinuation, nonobstant mutation de dempteurs et proprietaires, discontinuation de payement, prescription ou laps de temps et autres choses quelzconques ad ce contraires et pour en joyr par led. de Barville, ses hoirs et ayans cause et en faire et disposer a son profict et volunté comme de choses à luy apartenant, vray et loyal acquest, desaisissant par led. sieur de Barville, jusques à la valleur et concurance etc, voulant etc, procureur le porteur etc, donnant pouvoir etc, lesd. XVI escuz et XL solz tournoiz de rente racheptables à tousjours en payant par le rachepteur à une foys et à ung seul payement la somme de deux cens escuz soleil, monnoye courant à present, arrerages deubz, escheuz et entrez pour portion de temps lors dud. rachapt, fraiz et tous loyaulx cousts et moyennant tout ce que dict est, donner toutes rescriptions, recepicez, lectres et promesses qu'il pourroit avoir, les declarant nulles, de nul effect et valleur comme de chose non advenue.
Car ainsy a esté accordé entre eulx, promectans etc, obligeans chacun en droict soy et l'un envers l'aultre, renonçans etc.
Faict et passé doubles, ès estudes des notaires, avant midi, l'an mil Vc IIIIxx IX le jeudi XVIe jour de aoust.
J. A. DE BAYF DE BARVILLE.
PERIER [notaire] FARDEAU [notaire]
Origine de l'information :
Documents du Minutier central des notaires de Paris, Ronsard et ses amis [288 actes], par Madeleine Jurgens, à partir des dépouillements de Xenia Pamfilova, Paris, Archives nationales, 1985, p. 198, notice n° 82 (instrument de recherche imprimé dématérialisé, certaines notices sont plus détaillées dans la version intégrale accessible en ligne par la rubrique 'Autres instruments de recherche', voir contexte dans le Plan d’orientation général - Notaires de Paris, guides thématiques du Minutier).
Date de révision : 2011
Date de création de la notice : 2009
Compte portant constitution de 16 écus 40 sols tournois de rente par Jean Antoine de Baïf à Florent de Barville.